الماتىدا گاستروەنتەرولوگييا, كولوپروكتولوگييا, پەدياترييا, حيرۋرگييا جەنە ارالاس سالالاردىڭ جەتەكشٸ ماماندارىنىڭ باسىن قوسقان مەرەيتويلىق X ۇلتتىق ٸشەكتٸڭ قابىنۋ اۋرۋلارى بويىنشا فورۋم ٶتتٸ, دەپ حابارلايدى dalanews.kz.
شارا ۇيىمداستىرۋشىلارى س.اسفەنديياروۆ ات. قازۇمۋ, كارديولوگييا جەنە ٸشكٸ اۋرۋلار عزي, سالالىق كەسٸبي قاۋىمداستىقتار.
فورۋم گيبريدتٸ فورماتتا ٶتتٸ. رەسمي اشىلۋ قارساڭىندا قالالىق جەدەل شۇعىل كٶمەك كٶرسەتۋ اۋرۋحاناسى بازاسىندا «ٸقا زاماناۋي حيرۋرگيياسى: كٶرسەتكٸشتەن نەتيجەگە دەيٸن» اتتى بٸرەگەي تەجٸريبەلٸك شەبەرلٸك كلاسى ۇيىمداستىرىلدى. ونىڭ بارىسىندا كٷردەلٸ حيرۋرگييالىق وپەراتسييالار تٸكەلەي ەفيردە كٶرسەتٸلدٸ (Live-حيرۋرگييا). ۇيىمداستىرۋ كوميتەتٸ كرون اۋرۋىنىڭ اسقىنعان تٷرلەرٸنە شالدىققان پاتسيەنتتەرگە جوعارى دەڭگەيدەگٸ وپەراتسييالار جاساعان پروفەسسور ارمەن ۆاردانيانعا (مەسكەۋ, رف) ەرەكشە العىس بٸلدٸردٸ.
كونفەرەنتسييانىڭ سالتاناتتى اشىلۋىندا قاتىسۋشىلار وتاندىق گاستروەنتەرولوگييا مەكتەبٸنٸڭ نەگٸزٸن قالاۋشى, كٶرنەكتٸ عالىم, پروفەسسور ەلدوس يزاتۋللاەۆتى بٸر مينۋت ٷنسٸزدٸكپەن ەسكە الدى.
كارديولوگييا جەنە ٸشكٸ اۋرۋلار عزي باسقارما تٶراعاسىنىڭ ورىنباسارى جاميليا قايبۋللاەۆا:
«ٸقا - پەنارالىق تۇرعىدان اسا كٷردەلٸ سالا. تارگەتتٸك بيولوگييالىق تەراپييا مەن شاعىن مولەكۋلالار دەۋٸرٸنٸڭ ارقاسىندا پاتسيەنتتەردٸڭ بولجامى ايتارلىقتاي جاقساردى. سونىمەن قاتار ەرتە دياگنوستيكا, دياگنوز قويۋداعى كٸدٸرٸستٸ ازايتۋ, زاماناۋي تەراپييا تۇجىرىمدامالارىن ەنگٸزۋ جەنە تۇراقتى رەميسسيياعا قول جەتكٸزۋ سيياقتى جاڭا مٸندەتتەر تۋىنداپ وتىر», — دەدٸ.
كارديولوگييا جەنە ٸشكٸ اۋرۋلار عزي باسقارما تٶراعاسى رٷستەم تٶلەۋتاەۆتىڭ ايتۋىنشا, ينستيتۋتتا كلينيكالىق, بٸلٸم بەرۋ جەنە عىلىمي جۇمىستاردى بٸرٸكتٸرەتٸن ەلدەگٸ العاشقى رەسپۋبليكالىق ٸقا ورتالىعى قۇرىلدى. گاستروەنتەرولوگيياعا ٷنەمٸ يننوۆاتسييالاردى ەنگٸزۋمەن قاتار, ينستيتۋت حالىقارالىق زەرتتەۋلەردٸڭ كلينيكالىق بازاسى رەتٸندە قىزمەت ەتەدٸ جەنە رەزيدەنتتەردٸ تەراپييالىق باعىتتار بويىنشا وقىتاتىن اكادەمييالىق كلينيكا بولىپ تابىلادى.
كونفەرەنتسييانىڭ نەگٸزگٸ سپيكەرلەرٸ قاتارىندا ەلەمدٸك دەڭگەيدەگٸ ساراپشىلار بولدى: Dino Tarabar (سەربييا) — MD, PhD, AGAF, بەلگرادتاعى ەسكەري-مەديتسينالىق اكادەمييانىڭ ٸقا جٶنٸندەگٸ مامانى; Paulo Gustavo Kotze (برازيلييا) — MD, MSc, PhD, پارانا كاتوليك ۋنيۆەرسيتەتٸنٸڭ كولورەكتالدى حيرۋرگييا بٶلٸمٸنٸڭ ٸقا امبۋلاتورييالىق قىزمەتٸنٸڭ مامانى; Rupert Leong (اۆسترالييا) — سيدنەي ۋنيۆەرسيتەتٸنٸڭ گاستروەنتەرولوگييا پروفەسسورى.
كەسٸبي قاۋىمداستىقتىڭ ٷزدٸك ماماندارىن ماراپاتتاۋ جەنە بايقاۋلاردىڭ قورىتىندىسىن شىعارۋ رەسٸمٸ ٶتتٸ. نوميناتسييالار قاتارىندا: «جىلدىڭ ٷزدٸك مامانى» -ٸقا قىزمەتٸن دامىتۋعا قوسقان ٷلەسٸ مەن ادالدىعى ٷشٸن; «جىل سەرپٸنٸ» - 2025–2026 جىلدارداعى ٸقا مەسەلەلەرٸ بويىنشا تەلٸمگەرلٸك تسيكلدەرٸنٸڭ نەتيجەلەرٸن باعالايتىن جاڭا ماراپات; «جاس عالىمدار بايقاۋى» - جاس مامانداردىڭ مەديتسينا عىلىمىنداعى العاشقى ماڭىزدى قادامدارىن قولداۋعا ارنالعان دەستٷرلٸ الاڭ.
مەرەيتويلىق فورۋم قازاقستانداعى ٸقا بار پاتسيەنتتەرگە كٶمەك كٶرسەتۋدٸڭ بٸرىڭعاي ۇلتتىق ستاندارتتارىن قالىپتاستىرۋ, جاڭا كلينيكالىق ۇسىنىمداردى تانىستىرۋ جەنە تەجٸريبە الماسۋ ٷشٸن ماڭىزدى كەسٸبي الاڭ رەتٸندەگٸ مەرتەبەسٸن تاعى دا دەلەلدەدٸ.
