Almatyda gastroenterologiia, koloproktologiia, pediatriia, hirýrgiia jáne aralas salalardyń jetekshi mamandarynyń basyn qosqan mereitoilyq X Ulttyq ishektiń qabyný aýrýlary boiynsha forým ótti, dep habarlaidy dalanews.kz.
Shara uiymdastyrýshylary S.Asfendiiarov at. QazUMÝ, Kardiologiia jáne ishki aýrýlar ǴZI, salalyq kásibi qaýymdastyqtar.
Forým gibridti formatta ótti. Resmi ashylý qarsańynda Qalalyq jedel shuǵyl kómek kórsetý aýrýhanasy bazasynda «IQA zamanaýi hirýrgiiasy: kórsetkishten nátijege deiin» atty biregei tájiribelik sheberlik klasy uiymdastyryldy. Onyń barysynda kúrdeli hirýrgiialyq operatsiialar tikelei efirde kórsetildi (Live-hirýrgiia). Uiymdastyrý komiteti Kron aýrýynyń asqynǵan túrlerine shaldyqqan patsientterge joǵary deńgeidegi operatsiialar jasaǵan professor Armen Vardanianǵa (Máskeý, RF) erekshe alǵys bildirdi.
Konferentsiianyń saltanatty ashylýynda qatysýshylar otandyq gastroenterologiia mektebiniń negizin qalaýshy, kórnekti ǵalym, professor Eldos Izatýllaevty bir minýt únsizdikpen eske aldy.
Kardiologiia jáne ishki aýrýlar ǴZI Basqarma tóraǵasynyń orynbasary Jamilia Qaibýllaeva:
«IQA - pánaralyq turǵydan asa kúrdeli sala. Targettik biologiialyq terapiia men shaǵyn molekýlalar dáýiriniń arqasynda patsientterdiń boljamy aitarlyqtai jaqsardy. Sonymen qatar erte diagnostika, diagnoz qoiýdaǵy kidiristi azaitý, zamanaýi terapiia tujyrymdamalaryn engizý jáne turaqty remissiiaǵa qol jetkizý siiaqty jańa mindetter týyndap otyr», — dedi.
Kardiologiia jáne ishki aýrýlar ǴZI Basqarma tóraǵasy Rústem Tóleýtaevtyń aitýynsha, institýtta klinikalyq, bilim berý jáne ǵylymi jumystardy biriktiretin eldegi alǵashqy Respýblikalyq IQA ortalyǵy quryldy. Gastroenterologiiaǵa únemi innovatsiialardy engizýmen qatar, institýt halyqaralyq zertteýlerdiń klinikalyq bazasy retinde qyzmet etedi jáne rezidentterdi terapiialyq baǵyttar boiynsha oqytatyn akademiialyq klinika bolyp tabylady.
Konferentsiianyń negizgi spikerleri qatarynda álemdik deńgeidegi sarapshylar boldy: Dino Tarabar (Serbiia) — MD, PhD, AGAF, Belgradtaǵy Áskeri-meditsinalyq akademiianyń IQA jónindegi mamany; Paulo Gustavo Kotze (Braziliia) — MD, MSc, PhD, Parana katolik ýniversitetiniń kolorektaldy hirýrgiia bóliminiń IQA ambýlatoriialyq qyzmetiniń mamany; Rupert Leong (Avstraliia) — Sidnei ýniversitetiniń gastroenterologiia professory.
Kásibi qaýymdastyqtyń úzdik mamandaryn marapattaý jáne baiqaýlardyń qorytyndysyn shyǵarý rásimi ótti. Nominatsiialar qatarynda: «Jyldyń úzdik mamany» -IQA qyzmetin damytýǵa qosqan úlesi men adaldyǵy úshin; «Jyl serpini» - 2025–2026 jyldardaǵy IQA máseleleri boiynsha tálimgerlik tsiklderiniń nátijelerin baǵalaityn jańa marapat; «Jas ǵalymdar baiqaýy» - jas mamandardyń meditsina ǵylymyndaǵy alǵashqy mańyzdy qadamdaryn qoldaýǵa arnalǵan dástúrli alań.
Mereitoilyq forým Qazaqstandaǵy IQA bar patsientterge kómek kórsetýdiń biryńǵai ulttyq standarttaryn qalyptastyrý, jańa klinikalyq usynymdardy tanystyrý jáne tájiribe almasý úshin mańyzdy kásibi alań retindegi mártebesin taǵy da dáleldedi.
