قازاقستاننان استىق پەن ۇن ەكسپورتىنىڭ كٶلەمٸ ٶسٸپ كەلەدٸ, دەپ حابارلايدى dalanews.kz.
«قازاقستان تەمٸر جولى» ۇك مەلٸمەتٸنشە, 2025 جىلدىڭ قىركٷيەگٸنەن 2026 جىلدىڭ 20 مامىرىنا دەيٸن استىق جەنە استىق بالاماسىنداعى ۇن ەكسپورتى 11,7 ملن توننانى قۇرادى. بۇل ٶتكەن جىلدىڭ وسى كەزەڭٸمەن سالىستىرعاندا 13,6 پايىزعا جوعارى. بىلتىر بۇل كٶرسەتكٸش 10,3 ملن توننا بولعان.
ەكسپورت كٶلەمٸنٸڭ ايتارلىقتاي ٶسٸمٸ ورتالىق ازييا ەلدەرٸ مەن اۋعانستان باعىتىندا تٸركەلدٸ.
اتاپ ايتقاندا, ٶزبەكستانعا ەكسپورت 39,5 پايىزعا ٶسٸپ, 3,5 ملن توننادان 4,8 ملن تونناعا جەتتٸ. قىرعىزستان باعىتى بويىنشا جەتكٸزٸلٸم كٶلەمٸ 1,5 ەسەگە ارتىپ, 297 مىڭ توننادان 457 مىڭ تونناعا دەيٸن كٶبەيدٸ.
ەڭ جوعارى ٶسٸم اۋعانستان باعىتىندا بايقالدى. بۇل ەلگە ەكسپورت كٶلەمٸ 2,3 ەسەگە ٶسٸپ, 1,3 ملن توننادان 3 ملن تونناعا جەتكەن.
سونىمەن قاتار تٷرٸكمەنستانعا جەتكٸزٸلٸم دە ۇلعايدى. ەكسپورت كٶلەمٸ 47,7 پايىزعا ارتىپ, 130 مىڭ توننادان 192 مىڭ تونناعا دەيٸن ٶستٸ.
سالا ماماندارى مۇنى قازاقستاندىق استىققا سىرتقى نارىقتارداعى سۇرانىستىڭ جوعارى بولۋىمەن, ەكسپورتتىق لوگيستيكانىڭ دامۋى جەنە شەتەلدٸك سەرٸكتەستەرمەن ساۋدا بايلانىسىنىڭ كەڭەيۋٸمەن بايلانىستىرىپ وتىر.
