Qazaqstannan astyq pen un eksportynyń kólemi ósip keledi, dep habarlaidy dalanews.kz.
«Qazaqstan temir joly» UK málimetinshe, 2025 jyldyń qyrkúieginen 2026 jyldyń 20 mamyryna deiin astyq jáne astyq balamasyndaǵy un eksporty 11,7 mln tonnany qurady. Bul ótken jyldyń osy kezeńimen salystyrǵanda 13,6 paiyzǵa joǵary. Byltyr bul kórsetkish 10,3 mln tonna bolǵan.
Eksport kóleminiń aitarlyqtai ósimi Ortalyq Aziia elderi men Aýǵanstan baǵytynda tirkeldi.
Atap aitqanda, Ózbekstanǵa eksport 39,5 paiyzǵa ósip, 3,5 mln tonnadan 4,8 mln tonnaǵa jetti. Qyrǵyzstan baǵyty boiynsha jetkizilim kólemi 1,5 esege artyp, 297 myń tonnadan 457 myń tonnaǵa deiin kóbeidi.
Eń joǵary ósim Aýǵanstan baǵytynda baiqaldy. Bul elge eksport kólemi 2,3 esege ósip, 1,3 mln tonnadan 3 mln tonnaǵa jetken.
Sonymen qatar Túrikmenstanǵa jetkizilim de ulǵaidy. Eksport kólemi 47,7 paiyzǵa artyp, 130 myń tonnadan 192 myń tonnaǵa deiin ósti.
Sala mamandary muny qazaqstandyq astyqqa syrtqy naryqtardaǵy suranystyń joǵary bolýymen, eksporttyq logistikanyń damýy jáne sheteldik seriktestermen saýda bailanysynyń keńeiýimen bailanystyryp otyr.
