قازاقستاندا جول اپاتىنىڭ سانى ەلٸ دە جوعارى دەڭگەيدە قالىپ وتىر. 2026 جىلعى قاڭتار-مامىر ارالىعىندا 12,2 مىڭ جول اپاتى تٸركەلگەن. بۇل بىلتىرعى كٶرسەتكٸشپەن شامالاس, دەپ حابارلايدى dalanews.kz energyprom.kz-كە سٸلتەپ.
سوعان قاراماستان, جول اپاتتارىنان قازا تاپقاندار سانى ازايعان. بيىلعى بەس ايدا ەلٸمٸزدە 600 ادام جول اپاتىنان كٶز جۇمعان. بىلتىر وسى كەزەڭدە 740 ادام, ال 2024 جىلى 767 ادام قايتىس بولعان.
جاراقات العاندار سانى دا بٸرشاما تٶمەندەگەن. 2025 جىلى قاڭتار-مامىر ارالىعىندا 16,6 مىڭ ادام زارداپ شەكسە, بيىل بۇل كٶرسەتكٸش 16,1 مىڭ ادامعا دەيٸن ازايعان.
ٶڭٸرلەر اراسىندا جول اپاتتارىنىڭ ەڭ كٶبٸ الماتى قالاسىندا تٸركەلگەن. مەگاپوليستە بەس اي ٸشٸندە 3 مىڭ جول اپاتى بولعان. بۇل – رەسپۋبليكاداعى بارلىق اپاتتىڭ تٶرتتەن بٸرٸنە جۋىق كٶرسەتكٸش. ودان كەيٸن الماتى وبلىسى (1,2 مىڭ جاعداي) مەن استانا قالاسى (964 جاعداي) تۇر. ال ەڭ تٶمەن كٶرسەتكٸش ۇلىتاۋ وبلىسىندا تٸركەلگەن: 82 وقيعا.
ساراپشىلار الماتىداعى جوعارى كٶرسەتكٸشتٸ قالا حالقىنىڭ كٶپتٸگٸمەن جەنە كٶلٸك قوزعالىسىنىڭ قارقىندىلىعىمەن بايلانىستىرادى. قالادا تٸركەلگەن كٶلٸكتەر سانى دا رەسپۋبليكا بويىنشا ەڭ جوعارى دەڭگەيدە.
جاراقات العاندار سانى بويىنشا دا الماتى كٶش باستاپ تۇر. مۇندا جول اپاتتارىنان 3,2 مىڭ ادام زارداپ شەككەن. الماتى وبلىسىندا 1,8 مىڭ ادام, استانادا 1,1 مىڭ ادام جەنە جامبىل وبلىسىندا 1 مىڭ ادام جاراقات العان.
ال ادام ٶلٸمٸنە قاتىستى جاعداي ٶزگەشە. قازا تاپقاندار سانى بويىنشا تٷركٸستان وبلىسى بٸرٸنشٸ ورىندا تۇر. ٶڭٸردە بەس اي ٸشٸندە جول اپاتتارىنان 100 ادام كٶز جۇمعان. الماتى وبلىسىندا 84 ادام, جامبىل وبلىسىندا 58 ادام قايتىس بولعان.
جول اپاتى ەڭ كٶپ تٸركەلگەن الماتى قالاسىندا 22 ادام, ال استانادا 11 ادام قازا تاپقان.
ادام ٶلٸمٸنە ەكەلگەن جول اپاتتارىنىڭ ەڭ كٶبٸ تٷركٸستان وبلىسىندا تٸركەلدٸ: 76 جاعداي. الماتى وبلىسىندا 71, جامبىل وبلىسىندا 48 وقيعا بولعان. جالپى مۇنداي اپاتتاردىڭ 42,1 پايىزى وسى ٷش ٶڭٸردٸڭ ٷلەسٸنە تيەسٸلٸ.
