دەپارتامەنتكە قاراستى جەرگىلىكتى اسكەري ورگاندارىنىڭ ماماندارىنان قۇرىلعان ارنايى جاساقتالعان توپ رەسپۋبليكالىق وقۋ جاتتىعۋلارىندا ۇزدىكتەر قاتارىنان كورىندى جانە جۇمىلدىرۋ، اسكەرگە شاقىرۋ ناۋقانىن جوعارى دارەجەدە ۇيىمداستىردى.
جالپى، 2018 جىلى رەسپۋبليكادا 20 مىڭ ازامات اسكەر قاتارىنا شاقىرىلسا، سونىڭ 4000-نان استامى تۇركىستان وبلىسىنىڭ جىگىتتەرى. “بۇل شارالار جوعارى دەڭگەيدە جۇزەگە اسىرىلدى” دەيدى دەپارتامەنت باستىعى.
وتان الدىنداعى بورىشىن وتەۋگە جاستاردى بەيىمدەۋ، سالاداعى وزگە دە شارالارعا جۇمىلدىرۋ، كۇزگى، كوكتەمگى ناۋقانداردى جوعارى دەڭگەيدە ۇيىمداستىرعان اسكەريلەر مەرەكەدە ارنايى ماراپاتتالدى.
جوعارىدا اتالعان جۇمىستاردى ۇزدىك اتقارعان شىمكەنت، سارىاعاش جانە ارىس اۋدانى، قالالاردىڭ قورعانىس ىستەرى جونىندەگى ءبولىم، جەرگىلىكتى اسكەري ورگاندارى ەرەكشە اتالدى.
سونداي-اق، 5 اتالىم بويىنشا، قورعانىس ءمينيسترىنىڭ «ءمىنسىز قىزمەتى ءۇشىن» مەدالى قىزمەتتە قالتقىسىز ەڭبەك ەتكەن ماماندارعا تابىستالدى. وسى كۇنى «سىبايلاس جەمقورلىقسىز ارميا» اكسياسى اياسىندا اسكەريلەرگە تۇسىنىكتەمەلەر بەرىلىپ، نۇسقاۋلار ايتىلدى.
