Túrkistan oblystyq qorǵanys isteri jónindegi departamenti jyldy nátijeli aiaqtady
Departamentke qarasty jergilikti áskeri organdarynyń mamandarynan qurylǵan arnaiy jasaqtalǵan top respýblikalyq oqý jattyǵýlarynda úzdikter qatarynan kórindi jáne jumyldyrý, áskerge shaqyrý naýqanyn joǵary dárejede uiymdastyrdy.
Jalpy, 2018 jyly respýblikada 20 myń azamat ásker qataryna shaqyrylsa, sonyń 4000-nan astamy Túrkistan oblysynyń jigitteri. “Bul sharalar joǵary deńgeide júzege asyryldy” deidi departament bastyǵy.
Otan aldyndaǵy boryshyn óteýge jastardy beiimdeý, saladaǵy ózge de sharalarǵa jumyldyrý, kúzgi, kóktemgi naýqandardy joǵary deńgeide uiymdastyrǵan áskeriler merekede arnaiy marapattaldy.
Joǵaryda atalǵan jumystardy úzdik atqarǵan Shymkent, Saryaǵash jáne Arys aýdany, qalalardyń qorǵanys isteri jónindegi bólim, jergilikti áskeri organdary erekshe ataldy.
Sondai-aq, 5 atalym boiynsha, Qorǵanys ministriniń «Minsiz qyzmeti úshin» medali qyzmette qaltqysyz eńbek etken mamandarǵa tabystaldy. Osy kúni «Sybailas jemqorlyqsyz armiia» aktsiiasy aiasynda áskerilerge túsiniktemeler berilip, nusqaýlar aityldy.
