شىعىس قازاقستان وبلىسىنداعى رەسپۋبليكالىق ماڭىزى بار ٶسكەمەن-التاي-ٷلكەن نارىن-كاتونقاراعاي-راحمان قاينارى جولىنىڭ 437-450 شاقىرىم ارالىعىنداعى ۋچاسكەسٸ پايدالانۋعا بەرٸلدٸ. جولدىڭ جاڭارتىلعان بٶلٸگٸنٸڭ اشىلۋ رەسٸمٸنە شىعىس قازاقستان وبلىسىنىڭ ەكٸمٸ نۇرىمبەت ساقتاعانوۆ قاتىستى, دەپ حابارلايدى dalanews.kz.
جوبا 2025-2026 جىلدارى جٷزەگە اسىرىلدى. جٶندەۋ جۇمىستارىن «سترويتەلنايا كومپانييا زايسان» جشس اتقاردى. ۇزىندىعى 13 شاقىرىم بولاتىن جولعا جاڭا اسفالت تٶسەلدٸ. سونىمەن قاتار 17 سۋ ٶتكٸزۋ ناۋاسى مەن 3 سۋ ٶتكٸزگٸش قۇبىر سالىندى. جولدىڭ تيٸستٸ ينجەنەرلٸك جەنە قاۋٸپسٸزدٸك ينفراقۇرىلىمى دا رەتكە كەلتٸرٸلدٸ.
– بۇل جوبا ەڭ الدىمەن, ٶڭٸر جۇرتشىلىعى ٷشٸن ماڭىزدى. جاڭارتىلعان ۋچاسكە جول بويىنداعى ەلدٸ مەكەندەر تۇرعىندارى ٷشٸن قاۋٸپسٸز ەرٸ جايلى قاتىناستى قامتاماسىز ەتەدٸ. سونىمەن قاتار بۇل باعىت كاتونقاراعاي ۇلتتىق پاركٸ مەن راحمان قاينارىنا باراتىن تۋريستەر ٷشٸن دە ماڭىزدى, - دەدٸ نۇرىمبەت ساقتاعانوۆ.
جاڭارتىلعان جول ۋچاسكەسٸ جول جٷرۋ ۋاقىتىن قىسقارتۋعا جەنە كٶلٸك قۇرالدارىنىڭ توزۋىن ازايتۋعا مٷمكٸندٸك بەرەدٸ.
ايتا كەتەيٸك, ٶسكەمەن-التاي-ٷلكەن نارىن-كاتونقاراعاي-راحمان قاينارى باعىتى ٶڭٸردٸڭ ەلەۋمەتتٸك-ەكونوميكالىق جەنە تۋريستٸك ماڭىزى جوعارى كٶلٸك دەلٸزدەرٸنٸڭ بٸرٸ سانالادى. شىعىس قازاقستاننىڭ تۋريستٸك ەلەۋەتٸن ارتتىرۋدا كٶلٸك ينفراقۇرىلىمىنىڭ ساپاسى ەرەكشە ماڭىزدى. ايماقتىڭ تابيعي كٶرٸكتٸ جەرلەرٸنە كەلەتٸن تۋريستەر سانىنىڭ ارتۋى جولداردىڭ قولجەتٸمدٸلٸگٸ مەن قاۋٸپسٸزدٸگٸنە قويىلاتىن تالاپتاردى دا كٷشەيتٸپ وتىر. وبلىس ەكٸمٸ جولدى جاڭعىرتۋمەن قاتار, ونى الداعى ۋاقىتتا تيٸستٸ دەڭگەيدە كٷتٸپ ۇستاۋدىڭ جەنە ساپاسىن ۇزاق جىلدار بويى ساقتاۋدىڭ ماڭىزىن اتاپ ٶتتٸ.
