بۇگىنگى تاڭدا وڭىردەن كورشى ەلگە ۇن، ەت، ماي ونىمدەرى ەكسپورتتالۋدا. بۇگىن بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە اۋىل شارۋاشىلىعى باسقارماسىنىڭ باسشىسى سەرىك تۇربەكوۆ ءمالىم ەتتى.
اعىمداعى جىلدىڭ 6 ايىندا وبلىستاعى اۋىل شارۋاشىلىعىنىڭ جالپى ءونىم كولەمى 146،4 ملرد. تەڭگەنى قۇراپ، وتكەن جىلدىڭ ءتيىستى كەزەڭىمەن سالىستىرعاندا 25،4 ملرد. تەڭگەگە ارتقان. رەسپۋبليكادا ءونىم كولەمى بويىنشا وبلىسىمىزدىڭ ۇلەسى 14،6 پايىزعا جەتىپ، 2-ورىندى يەلەنىپ وتىر. ال اۋىل شارۋاشىلىعى ەكسپورتىنىڭ كولەمى 68،6 ملن. اقش دوللارىن قۇراپ 18،2 پايىزعا ارتىپ وتىر.
– 2018 جىلدىڭ 6 ايىنىڭ قورىتىندىسى بويىنشا اۋىل شارۋاشىلىعى نەگىزگى كاپيتالىنا تارتىلعان ينۆەستيسيا كولەمى 4686،4 ملن. تەڭگەگە جەتىپ، وتكەن جىلدىڭ ءتيىستى كەزەڭىمەن سالىستىرعاندا 34 پايىزدى قۇرادى. سونداي-اق، اعىمداعى جىلى 448 مىڭ گەكتار سۋارمالى جەردى يگەرۋ جوسپارى قازىرگى تاڭدا 3،3 پايىزعا ارتىعىمەن ورىندالعان. بۇدان وزگە، بيىل اۋىل شارۋاشىلىعى سالاسىنداعى بارلىق تەحنيكالاردىڭ 6،2 پايىزى جاڭاردى، – دەدى سەرىك وردابەك ۇلى.
سونىمەن قاتار، بۇگىنگى تاڭدا وڭىردە 60 مىڭنان اسا ءۇي شارۋاشىلىقتارى مەن شاعىن فەرمەر مۇشەلەرىنەن قۇرالعان 704 اۋىل شارۋاشىلىعى كووپەراتيۆتەرى تىركەلىپ، جۇمىستارىن جۇرگىزۋدە.
بۇگىندە ەلىمىزدە سالىنعان جىلىجايلاردىڭ 77 پايىزى، تامشىلاتىپ سۋعارۋ ءادىسىنىڭ 73 پايىزى تۇركىستان وبلىسىنا تيەسىلى. وڭىردە جىلىجاي كولەمىن ارتتىرۋ ءۇشىن قوسىمشا 86،7 گەكتار جىلىجاي سالىنىپ، وبلىستاعى جالپى كولەمى 1287،7 گەكتارعا جەتتى. بۇل تۋرالى سەرىك تۇربەكوۆ ءمالىم ەتتى.
سونىمەن قاتار، تامشىلاتىپ سۋعارۋ ءادىسى جاڭادان 6 223 گەكتار اۋماققا ەندىرىلىپ، جالپى كولەمى 64،2 مىڭ گەكتارعا جەتكەن.
– وبلىس بويىنشا ءداندى داقىلداردىڭ بارلىق ەگىس كولەمى 280،9 مىڭ گەكتاردى قۇراپ، مەجەدەن 35،9 مىڭ گەكتارعا ارتتى. ال ماقتانىڭ ەگىس كولەمى 129،7 مىڭ گەكتارعا جەتىپ، جوسپاردان 24،7 مىڭ گەكتارعا ءوسىپ وتىر. بۇگىنگى تاڭدا وبلىستاعى بارلىق باۋ كولەمى – 21 600 گەكتار، ونىڭ ىشىندە ينتەنسيۆتى باۋلار – 2 800 گەكتار، ءجۇزىم – 10 200 گەكتار، تاڭقۋراي – 208 گەكتار، جاڭعاق شارۋاشىلىعى – 350 گەكتاردى قۇرايدى. اعىمداعى جىلى قوسىمشا ينتەنسيۆتى باۋلار – 940 گەكتار، ءجۇزىم – 570 گەكتار، جاڭعاق 207 گەكتار القاپقا قوسىمشا ەگىلدى، – دەدى سەرىك وردابەك ۇلى.
2018 جىلدىڭ 6 ايىنىڭ قورىتىندىسى بويىنشا وڭىردەگى ءىرى قارا مالدىڭ سانى – 6،7 پايىزعا، قوي مەن ەشكى سانى – 5،2 پايىزعا، جىلقى باسى – 9،6 پايىزعا، تۇيە – 6،7 پايىزعا، قۇس سانى – 13،8 پايىزعا ارتقان. سونداي-اق، وبلىستا ەسەپتى كەزەڭدە 103،4 مىڭ توننا ەت، ءسۇت 364،4 مىڭ توننا ءسۇت، جۇمىرتقا 95،1 ملن. دانا جۇمىرتقا وندىرىلگەن.
ءبۇدان وزگە، «سىباعا» باعدارلاماسىمەن 7352 باس انالىق ساتىپ الىنىپ، جالپى انالىق باسقا شاققانداعى ۇلەسى 13،8 پايىزعا جەتتى. «التىن اسىق» باعدارلاماسىمەن 11 893 باس قوي ساتىپ الىنىپ، جالپى انالىق باسقا شاققانداعى ۇلەسى 5،1 پايىزدى قۇراعان. «قۇلان» باعدارلاماسى اياسىندا 2059 باس جىلقى الىنىپ وتىر.
تۇركىستان وبلىسى اكىمىنىڭ باسپا ءسوز قىزمەتى
