Búgingi tańda óńirden kórshi elge un, et, mai ónimderi eksporttalýda. Búgin bul týraly Túrkistan oblystyq óńirlik kommýnikatsiialar qyzmetinde ótken brifingte Aýyl sharýashylyǵy basqarmasynyń basshysy Serik Turbekov málim etti.
Aǵymdaǵy jyldyń 6 aiynda oblystaǵy aýyl sharýashylyǵynyń jalpy ónim kólemi 146,4 mlrd. teńgeni qurap, ótken jyldyń tiisti kezeńimen salystyrǵanda 25,4 mlrd. teńgege artqan. Respýblikada ónim kólemi boiynsha oblysymyzdyń úlesi 14,6 paiyzǵa jetip, 2-oryndy ielenip otyr. Al aýyl sharýashylyǵy eksportynyń kólemi 68,6 mln. AQSh dollaryn qurap 18,2 paiyzǵa artyp otyr.
– 2018 jyldyń 6 aiynyń qorytyndysy boiynsha aýyl sharýashylyǵy negizgi kapitalyna tartylǵan investitsiia kólemi 4686,4 mln. teńgege jetip, ótken jyldyń tiisti kezeńimen salystyrǵanda 34 paiyzdy qurady. Sondai-aq, aǵymdaǵy jyly 448 myń gektar sýarmaly jerdi igerý jospary qazirgi tańda 3,3 paiyzǵa artyǵymen oryndalǵan. Budan ózge, biyl aýyl sharýashylyǵy salasyndaǵy barlyq tehnikalardyń 6,2 paiyzy jańardy, – dedi Serik Ordabekuly.
Sonymen qatar, búgingi tańda óńirde 60 myńnan asa úi sharýashylyqtary men shaǵyn fermer múshelerinen quralǵan 704 aýyl sharýashylyǵy kooperativteri tirkelip, jumystaryn júrgizýde.
Búginde elimizde salynǵan jylyjailardyń 77 paiyzy, tamshylatyp sýǵarý ádisiniń 73 paiyzy Túrkistan oblysyna tiesili. Óńirde jylyjai kólemin arttyrý úshin qosymsha 86,7 gektar jylyjai salynyp, oblystaǵy jalpy kólemi 1287,7 gektarǵa jetti. Bul týraly Serik Turbekov málim etti.
Sonymen qatar, tamshylatyp sýǵarý ádisi jańadan 6 223 gektar aýmaqqa endirilip, jalpy kólemi 64,2 myń gektarǵa jetken.
– Oblys boiynsha dándi daqyldardyń barlyq egis kólemi 280,9 myń gektardy qurap, mejeden 35,9 myń gektarǵa artty. Al maqtanyń egis kólemi 129,7 myń gektarǵa jetip, jospardan 24,7 myń gektarǵa ósip otyr. Búgingi tańda oblystaǵy barlyq baý kólemi – 21 600 gektar, onyń ishinde intensivti baýlar – 2 800 gektar, júzim – 10 200 gektar, tańqýrai – 208 gektar, jańǵaq sharýashylyǵy – 350 gektardy quraidy. Aǵymdaǵy jyly qosymsha intensivti baýlar – 940 gektar, júzim – 570 gektar, jańǵaq 207 gektar alqapqa qosymsha egildi, – dedi Serik Ordabekuly.
2018 jyldyń 6 aiynyń qorytyndysy boiynsha óńirdegi iri qara maldyń sany – 6,7 paiyzǵa, qoi men eshki sany – 5,2 paiyzǵa, jylqy basy – 9,6 paiyzǵa, túie – 6,7 paiyzǵa, qus sany – 13,8 paiyzǵa artqan. Sondai-aq, oblysta esepti kezeńde 103,4 myń tonna et, sút 364,4 myń tonna sút, jumyrtqa 95,1 mln. dana jumyrtqa óndirilgen.
Búdan ózge, «Sybaǵa» baǵdarlamasymen 7352 bas analyq satyp alynyp, jalpy analyq basqa shaqqandaǵy úlesi 13,8 paiyzǵa jetti. «Altyn asyq» baǵdarlamasymen 11 893 bas qoi satyp alynyp, jalpy analyq basqa shaqqandaǵy úlesi 5,1 paiyzdy quraǵan. «Qulan» baǵdarlamasy aiasynda 2059 bas jylqy alynyp otyr.
Túrkistan oblysy ákiminiń baspasóz qyzmeti
