ٸشكٸ ٸستەر مينيسترٸنٸڭ 2026 جىلعى 30 قازانداعى بۇيرىعىمەن قازاقستان ازاماتتارىنىڭ شەتەلگە تۇراقتى تۇرۋعا كەتۋٸنە قۇجاتتاردى رەسٸمدەۋ تەرتٸبٸنە ٶزگەرٸستەر ەنگٸزٸلدٸ, دەپ حابارلايدى dalanews.kz.
جاڭا ەرەجەگە سەيكەس ازاماتتىڭ قازاقستان اۋماعىندا تٸركەلگەنٸ تۋرالى مەلٸمەت بولماسا, ول تٸركەۋ دەرەگٸن انىقتاۋ ٷشٸن ٸشكٸ ٸستەر ورگاندارىنا ٶتٸنٸش بەرۋٸ كەرەك. قازاقستاندا تۇراقتى تٸركەۋٸ بار, بٸراق ەل ازاماتتىعىنان شىققان نەمەسە ازاماتتىعىنان ايىرىلعان ادامدار شەتەلگە تۇراقتى تۇرۋعا كەتۋ قۇجاتتارىن رەسٸمدەۋ ٷشٸن الدىمەن قازاقستاندا تۇراقتى تۇراتىن شەتەل ازاماتى نەمەسە ازاماتتىعى جوق ادام رەتٸندە تٸركەلۋگە تيٸس.
قۇجاتتار حالىققا قىزمەت كٶرسەتۋ ورتالىعى (حقكو) نەمەسە ەلەكترون پورتال ارقىلى قابىلدانادى. مەملەكەتتٸك قىزمەت كٶرسەتۋ مەرزٸمٸ - 20 جۇمىس كٷنٸ.
ٶتٸنٸشتە قاتە بولسا نەمەسە قۇجاتتار تولىق ۇسىنىلماسا, كەمشٸلٸكتەردٸ تٷزەتۋگە 15 جۇمىس كٷنٸ بەرٸلەدٸ. بۇل ۋاقىت مەملەكەتتٸك قىزمەت كٶرسەتۋ مەرزٸمٸنە كٸرمەيدٸ. قاتەلەر بەلگٸلەنگەن مەرزٸمدە تٷزەتٸلمەسە, قۇجاتتاردى قابىلداۋدان باس تارتىلادى. قۇجاتتار تولىق تاپسىرىلعاننان كەيٸن مەلٸمەت ٸٸم-نٸڭ كٶشٸ-قون قىزمەتٸنٸڭ اقپاراتتىق جٷيەسٸنە ەنگٸزٸلەدٸ. تيٸستٸ مەملەكەتتٸك ورگاندار قۇجاتتاردى 10 جۇمىس كٷنٸ ٸشٸندە كەلٸسەدٸ.
وڭ شەشٸم قابىلدانعان جاعدايدا ازاماتتى ەسكەري ەسەپتەن شىعارۋ رەسٸمٸ جٷرگٸزٸلەدٸ. تيٸستٸ حابارلاما العاننان كەيٸن ازامات بٸر جۇمىس كٷنٸ ٸشٸندە حقكو-عا بارىپ, جەكە كۋەلٸگٸن نەمەسە تيٸستٸ تۇرۋ قۇجاتىن تاپسىرۋى كەرەك.
وسىدان كەيٸن ازامات قازاقستانداعى تۇراقتى تٸركەۋدەن شىعارىلىپ, وعان شەتەلگە تۇراقتى تۇرۋعا كەتۋگە قاجەت قۇجاتتاردى رەسٸمدەۋ تۋرالى شەشٸم بەرٸلەدٸ.
ٶتٸنٸش ەلەكترون پورتال ارقىلى بەرٸلسە, شەشٸم ەلەكترون تسيفرلىق قولتاڭبامەن راستالىپ, ازاماتتىڭ جەكە كابينەتٸنە جٸبەرٸلەدٸ.
