تٷركٸستان وبلىسىندا 170 مىڭعا جۋىق سايلاۋشى داۋىس بەردٸ
ولاردىڭ جالپى سانى - 168 605 ادام. بۇل تۋرالى وبلىستىق سايلاۋ كوميسسييانىڭ تٶراعاسى ەلٸبەك ٶمٸرەليەۆ بريفينگتە مەلٸمدەدٸ.ونىڭ ايتۋىنشا, بٷگٸن تٷركٸستان وبلىسى بويىنشا جالپى 60 سايلاۋ وكرۋگٸندە 265 146 سايلاۋشى داۋىس بەرەدٸ دەپ كٷتٸلۋدە.
تاڭعى ساعات 07:00-دە باستالعان دودا كەشكٸ 20:00-دە اياقتالادى. سايلاۋعا قاتىساتىن 1 549 سايلاۋ كوميسسييالارىنىڭ مٷشەلەرٸ بەتپەردەلەرمەن, ارنايى قولعاپتارمەن, انتيسەپتيكتەرمەن جەتكٸلٸكتٸ تٷردە قامتىلعان.
داۋىس بەرۋگە كەلەتٸن سايلاۋشىلار مەن باسقا دا ازاماتتارعا انتيسەپتيكتەر, تەرمومەترلەر ورناتىلعان. كەلگەن سايلاۋشىلارعا بەتپەردەلەر دايىندالعان. بارلىق سايلاۋ ۋچاسكەلەرٸ دەرٸگەر ماماندارمەن قامتىلىپ وتىر.
