بۇگىن وبلىستاعى 241 سايلاۋ ۋچاسكەسىندە اۋىل تۇرعىندارى ءوز تاڭداۋلارىن جاساۋدا. جالپى سانى 166 ۇمىتكەر 60 اۋىل وكرۋگى اكىمىنە سايلاۋعا تۇسەدى. سايلاۋ كوميسسيالارىنىڭ ۇسىنعان دەرەكتەرىنە سايكەس، 2021 جىلعى 25 شىلدەدەگى ساعات 16.00-دەگى جاعداي بويىنشا تىزىمگە ەنگىزىلگەن سايلاۋشىلاردىڭ جالپى سانىنىڭ 64%-ى داۋىس بەرگەن، – دەپ حابارلايدى Dalanews.kz تۇركىستان وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

ولاردىڭ جالپى سانى - 168 605 ادام. بۇل تۋرالى وبلىستىق سايلاۋ كوميسسيانىڭ ءتوراعاسى الىبەك ومىرالييەۆ بريفينگتە مالىمدەدى.ونىڭ ايتۋىنشا، بۇگىن تۇركىستان وبلىسى بويىنشا جالپى 60 سايلاۋ وكرۋگىندە 265 146 سايلاۋشى داۋىس بەرەدى دەپ كۇتىلۋدە.

تاڭعى ساعات 07:00-دە باستالعان دودا كەشكى 20:00-دە اياقتالادى. سايلاۋعا قاتىساتىن 1 549 سايلاۋ كوميسسيالارىنىڭ مۇشەلەرى بەتپەردەلەرمەن، ارنايى قولعاپتارمەن، انتيسەپتيكتەرمەن جەتكىلىكتى تۇردە قامتىلعان.

داۋىس بەرۋگە كەلەتىن سايلاۋشىلار مەن باسقا دا ازاماتتارعا انتيسەپتيكتەر، تەرمومەترلەر ورناتىلعان. كەلگەن سايلاۋشىلارعا بەتپەردەلەر دايىندالعان. بارلىق سايلاۋ ۋچاسكەلەرى دارىگەر ماماندارمەن قامتىلىپ وتىر.