Búgin oblystaǵy 241 saılaý ýchaskesinde aýyl turǵyndary óz tańdaýlaryn jasaýda. Jalpy sany 166 úmitker 60 aýyl okrýgi ákimine saılaýǵa túsedi. Saılaý komısıalarynyń usynǵan derekterine sáıkes, 2021 jylǵy 25 shildedegi saǵat 16.00-degi jaǵdaı boıynsha tizimge engizilgen saılaýshylardyń jalpy sanynyń 64%-y daýys bergen, – dep habarlaıdy Dalanews.kz Túrkistan oblysynyń Óńirlik komýnıkasıalar qyzmetine silteme jasap.

Olardyń jalpy sany - 168 605 adam. Bul týraly oblystyq saılaý komısıanyń tóraǵasy Álibek Ómirálıev brıfıńte málimdedi.Onyń aıtýynsha, búgin Túrkistan oblysy boıynsha jalpy 60 saılaý okrýginde 265 146 saılaýshy daýys beredi dep kútilýde.

Tańǵy saǵat 07:00-de bastalǵan doda keshki 20:00-de aıaqtalady. Saılaýǵa qatysatyn 1 549 saılaý komısıalarynyń músheleri betperdelermen, arnaıy qolǵaptarmen, antıseptıktermen jetkilikti túrde qamtylǵan.

Daýys berýge keletin saılaýshylar men basqa da azamattarǵa antıseptıkter, termometrler ornatylǵan. Kelgen saılaýshylarǵa betperdeler daıyndalǵan. Barlyq saılaý ýchaskeleri dáriger mamandarmen qamtylyp otyr.