تۇركىستان وبلىسى اۋماعىندا بىلتىر 16 زاڭسىز قۇرىلىس نىساندارى سۇرىلگەن. ونىڭ ىشىندە، 6 نىسان سوت شەشىمدەرىمەن، 10 نىسان تۇسىندىرمە جۇمىستارى ارقىلى مەنشىك يەلەرىنىڭ ءوز ەركىمەن بۇزىلعان. مۇنى وبلىستىق مەملەكەتتىك ساۋلەت-قۇرىلىس باقىلاۋ باسقارماسى باسشىسىنىڭ ورىنباسارى تارتۋ بايتۇرسىنوۆ وڭىرلىك كوممۋنيكاسيالار قىزمەتىندە وتكەن بريفينگتە مالىمدەدى، – دەپ حابارلايدى Dalanews.kz.

– ءوڭىر كولەمىندە بىلتىر 715 جوبا بويىنشا نىسانداردىڭ قۇرىلىس-مونتاجداۋ جۇمىستارى باستالعان. ونىڭ ىشىندە 356 نىساننىڭ قۇرىلىسى بيۋدجەت قاراجاتى ەسەبىنەن، 348 نىساننىڭ قۇرىلىسى جەكە كاسىپكەرلىك قاراجاتى ەسەبىنەن جانە 11 جوبا ينۆەستيسيالىق قارجى ەسەبىنەن سالىنۋدا.

سونداي-اق، باسقارمادا 2020 جىلى زاڭ تالاپتارىن ساقتاماي سالىنعان 84 قۇرىلىس نىساندارىنا تەكسەرۋ جۇرگىزىلىپ، انىقتالعان زاڭ بۇزۋشىلىقتار نەگىزىندە قر-نىڭ اقبتك-نىڭ باپتارىنا سايكەس 153 حاتتامامەن شارا كورىلگەن، – دەدى تارتۋ ورىنتاي ۇلى.

باسپا ءسوز ءماسليحاتىندا ءمالىم بولعانداي زاڭ تالاپتارى ساقتالماعان ءۇشىن جالپى سالىنعان ايىپپۇل كولەمى 28 935 945 تەڭگەنى قۇرايدى. نەگىزىنەن، باسقارما تاراپىنان 5 مەملەكەتتىك قىزمەتتەر كورسەتىلەدى. بۇل قىزمەتتەر 2019 جىلدان باستاپ 100 پايىزعا ەلەكتروندى تۇردە كورسەتىلۋدە. بىلتىر قۇرىلىس سالاسىندا ليسەنزيا الۋعا، قايتا تىركەۋگە، اتتەستات الۋعا قاتىستى بارلىعى 1096ء-وتىنىش قابىلدانعان.