Túrkistan oblysynda 16 zańsyz qurylys nysany súrilgen
Túrkistan oblysy aýmaǵynda byltyr 16 zańsyz qurylys nysandary súrilgen. Onyń ishinde, 6 nysan sot sheshimderimen, 10 nysan túsindirme jumystary arqyly menshik ieleriniń óz erkimen buzylǵan. Muny oblystyq memlekettik sáýlet-qurylys baqylaý basqarmasy basshysynyń orynbasary Tartý Baitursynov óńirlik kommýnikatsiialar qyzmetinde ótken brifingte málimdedi, – dep habarlaidy Dalanews.kz.
– Óńir kóleminde byltyr 715 joba boiynsha nysandardyń qurylys-montajdaý jumystary bastalǵan. Onyń ishinde 356 nysannyń qurylysy biýdjet qarajaty esebinen, 348 nysannyń qurylysy jeke kásipkerlik qarajaty esebinen jáne 11 joba investitsiialyq qarjy esebinen salynýda.
Sondai-aq, basqarmada 2020 jyly zań talaptaryn saqtamai salynǵan 84 qurylys nysandaryna tekserý júrgizilip, anyqtalǵan zań buzýshylyqtar negizinde QR-nyń ÁQBtK-niń baptaryna sáikes 153 hattamamen shara kórilgen, – dedi Tartý Oryntaiuly.
Baspasóz máslihatynda málim bolǵandai zań talaptary saqtalmaǵan úshin jalpy salynǵan aiyppul kólemi 28 935 945 teńgeni quraidy. Negizinen, basqarma tarapynan 5 memlekettik qyzmetter kórsetiledi. Bul qyzmetter 2019 jyldan bastap 100 paiyzǵa elektrondy túrde kórsetilýde. Byltyr qurylys salasynda litsenziia alýǵa, qaita tirkeýge, attestat alýǵa qatysty barlyǵy 1096-ótinish qabyldanǵan.
