- 2020 جىلعى 1 قازانعا دەيىنگى كەزەڭگە قازاقستان رەسپۋبليكاسى ۇكىمەتىنىڭ 2010 جىلعى 1 ناۋرىزداعى № 145 قاۋلىسىمەن بەكىتىلگەن الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىنە قوسىلعان تاۋارلاردى وتكىزۋ اينالىمدارىن جاساعان جانە ولاردىڭ يمپورتى كەزىندە قوسىلعان قۇنسالىعىنىڭ مولشەرلەمەسى 8% مولشەرىندە بەلگىلەنەدى.
- قازاقستان رەسپۋبليكاسىنىڭ اۋماعىندا ەكسپورتقا وتكىزىلەتىن بەنزين (اۆياسيالىقتى قوسپاعاندا)، ديزەل وتىنى بويىنشا اكسيزدەلەتىن تاۋارلاردى وندىرۋشىلەر 2020 جىلعى 31 جەلتوقسانعا دەيىنگى كەزەڭگە اكسيز تولەۋدەن بوساتىلادى.
- 2020 جىلعا تۋريزم، قوعامدىق تاماقتاندىرۋ جانە ءقوناقۇي قىزمەتتەرى سالاسىندا كاسىپكەرلىك قىزمەتتى جۇزەگە اسىرۋ كەزىندە پايدالانىلاتىن سالىق سالۋ وبەكتىلەرى بويىنشا زاڭدى تۇلعالار مەن جەكە كاسىپكەرلەردىڭ مۇلكىنە سالىناتىن سالىق مولشەرلەمەلەرىنە «0» كوەففيسيەنتى بەلگىلەنەدى
- قازاقستان رەسپۋبليكاسىنىڭ كاسىپكەرلىك كودەكسىنە سايكەس ميكرو، شاعىن نەمەسە ورتا كاسىپكەرلىك سۋبەكتىلەرى ساناتىنا جاتقىزىلعان سالىق تولەۋشىلەر ءۇشىن:
- بارلىق سالىقتار مەن بيۋدجەتكە تولەنەتىن باسقا دا مىندەتتى تولەمدەر، سونداي-اق الەۋمەتتىك تولەمدەر بويىنشا تولەۋ مەرزىمىن 2020 جىلعى 1 ماۋسىمعا دەيىن ۇزارتىلادى؛
- تاۋەكەل دارەجەسى جوعارى سالىق تولەۋشىلەردى قوسپاعاندا، سالىق جانە كەدەن بەرەشەگىن، سونداي-اق الەۋمەتتىك تولەمدەر بويىنشا بەرەشەكتى ماجبۇرلەپ ءوندىرىپ الۋشارالارىن جانە مەرزىمىندە ورىندالماعان سالىق مىندەتتەمەسىن ورىنداۋدى قامتاماسىز ەتۋ تاسىلدەرىن قولدانۋ 2020 جىلعى 1 ماۋسىمعا دەيىن توقتاتىلادى؛
- تاۋەكەل دارەجەسى جوعارى سالىقتولەۋشىلەردى قوسپاعاندا، توتەنشە جاعداي كەزەڭىندە (2020 جىلعى 15 ناۋرىزدان باستاپ 2020 جىلعى 15 ءساۋىر ارالىعىندا) تۋىندايتىن، «سالىق جانە بيۋدجەتكە تولەنەتىن مىندەتتى تولەمدەر تۋرالى» 2017 جىلعى 25 جەلتوقسانداعى قازاقستان رەسپۋبليكاسى كودەكسىنىڭ (سالىقكودەكسى) 114-بابى 2-تارماعىنىڭ 10) تارماقشاسىندا كوزدەلگەن حابارلامانى ورىنداۋ مەرزىمدەرى 2020 جىلعى 1 ماۋسىمعا دەيىن ۇزارتىلادى؛
- توتەنشە جاعداي كەزەڭىندە مەملەكەتتىك كىرىستەر ورگاندارى جۇزەگە اسىراتىن تەكسەرۋلەردى جۇرگىزۋ مەرزىمدەرىنىڭ ءوتۋى توقتاتىلادى، بۇل رەتتە توقتاتا تۇرۋ مەرزىمى تەكسەرۋ مەرزىمىنە كىرمەيدى.
تۇركىستان وبلىسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى
