- 2020 jylǵy 1 qazanǵa deıingi kezeńge Qazaqstan Respýblıkasy Úkimetiniń 2010 jylǵy 1 naýryzdaǵy № 145 qaýlysymen bekitilgen áleýmettik mańyzy bar azyq-túlik taýarlarynyń tizbesine qosylǵan taýarlardy ótkizý aınalymdaryn jasaǵan jáne olardyń ımporty kezinde qosylǵan qunsalyǵynyń mólsherlemesi 8% mólsherinde belgilenedi.
- Qazaqstan Respýblıkasynyń aýmaǵynda eksportqa ótkiziletin benzın (avıasıalyqty qospaǵanda), dızel otyny boıynsha aksızdeletin taýarlardy óndirýshiler 2020 jylǵy 31 jeltoqsanǵa deıingi kezeńge aksız tóleýden bosatylady.
- 2020 jylǵa týrızm, qoǵamdyq tamaqtandyrý jáne qonaqúı qyzmetteri salasynda kásipkerlik qyzmetti júzege asyrý kezinde paıdalanylatyn salyq salý obektileri boıynsha zańdy tulǵalar men jeke kásipkerlerdiń múlkine salynatyn salyq mólsherlemelerine «0» koefısıenti belgilenedi
- Qazaqstan Respýblıkasynyń Kásipkerlik kodeksine sáıkes mıkro, shaǵyn nemese orta kásipkerlik sýbektileri sanatyna jatqyzylǵan salyq tóleýshiler úshin:
- Barlyq salyqtar men búdjetke tólenetin basqa da mindetti tólemder, sondaı-aq áleýmettik tólemder boıynsha tóleý merzimin 2020 jylǵy 1 maýsymǵa deıin uzartylady;
- Táýekel dárejesi joǵary salyq tóleýshilerdi qospaǵanda, salyq jáne keden bereshegin, sondaı-aq áleýmettik tólemder boıynsha bereshekti májbúrlep óndirip alýsharalaryn jáne merziminde oryndalmaǵan salyq mindettemesin oryndaýdy qamtamasyz etý tásilderin qoldaný 2020 jylǵy 1 maýsymǵa deıin toqtatylady;
- Táýekel dárejesi joǵary salyqtóleýshilerdi qospaǵanda, tótenshe jaǵdaı kezeńinde (2020 jylǵy 15 naýryzdan bastap 2020 jylǵy 15 sáýir aralyǵynda) týyndaıtyn, «Salyq jáne búdjetke tólenetin mindetti tólemder týraly» 2017 jylǵy 25 jeltoqsandaǵy Qazaqstan Respýblıkasy Kodeksiniń (Salyqkodeksi) 114-baby 2-tarmaǵynyń 10) tarmaqshasynda kózdelgen habarlamany oryndaý merzimderi 2020 jylǵy 1 maýsymǵa deıin uzartylady;
- Tótenshe jaǵdaı kezeńinde memlekettik kirister organdary júzege asyratyn tekserýlerdi júrgizý merzimderiniń ótýi toqtatylady, bul rette toqtata turý merzimi tekserý merzimine kirmeıdi.
Túrkistan oblysy boıynsha Memlekettik kirister departamentiniń baspasóz qyzmeti
