قازاقستان قور بيرجاسىندا 24 سەۋٸردە كٷندٸزگٸ ساۋدا-ساتتىق قورىتىندىسى بويىنشا 1 اقش دوللارىنىڭ ورتاشا بەلگٸلەنگەن باعامى 517,16 تەڭگە بولىپ, بٸر تەۋلٸكتە 1,22 تەڭگەگە ارزاندادى. ٶتكەن اپتانىڭ سوڭىندا عانا قۇنى 521 تەڭگە بولعان امەريكالىق ۆاليۋتا وسى اپتادان باستاپ قۇنسىزدانۋعا كٶشكەن. ونىڭ سەبەبٸ نەدە? بۇل ساۋالعا جاۋاپتى Dalanews.kz سايتىنان وقي وتىرىڭىزدار.
قازاقستان قارجىگەرلەرٸ قاۋىمداستىعى تەڭگەنٸڭ نىعايۋىنا تٷرتكٸ بٸرنەشە فاكتوردى اتادى.
"قر ۇلتتىق بانكٸ, ەكسپورتتاۋشىلار مەن كۆازيمەملەكەتتٸك سەكتور سۋبەكتٸلەرٸ تاراپىنان شەتەل ۆاليۋتاسى تٷرٸندەگٸ تۇراقتى ۇسىنىستىڭ ۆاليۋتا نارىعىنداعى جاعدايعا ىقپال ەتۋٸ مٷمكٸن. سونداي-اق نارىققا قاتىسۋشى جەكەلەگەن تۇلعالاردىڭ شەتەل ۆاليۋتاسىنا دەگەن سۇرانىستى ٸشٸنارا قاناعاتتاندىرۋى دا قولداۋ كٶرسەتكەن بولۋى كەرەك. سىرتقى فاكتورلاردىڭ ٸشٸندە اپتانىڭ باسىندا تەڭگەگە شاققاندا نىعايا تٷسكەن رەسەيلٸك رۋبل, اقش-تىڭ يران مۇنايىنا قارسى ەنگٸزبەك جاڭا سانكتسييالارى اياسىندا مۇناي باعاسىنىڭ ٶسٸمٸ, سونداي-اق ينۆەستورلاردىڭ امەريكالىق اكتيۆتەردەن جاھاندىق دەڭگەيدە جاپپاي ارىلۋعا تىرىسۋى دوللاردىڭ قۇلدىراۋىنا قولداۋ كٶرسەتتٸ", دەلٸنگەن قاۋىمداستىق تٷسٸنٸكتەمەسٸندە.
ال سەرسەنبٸ كٷنٸ تەڭگەنٸڭ ازداپ قۇنىن جوعالتۋىنا بيۋدجەت قاراجاتىن يگەرۋدٸ جەدەلدەتۋ, سونداي-اق سىرتقى بورىشقا قىزمەت كٶرسەتۋ قاجەتتٸلٸگٸ اياسىندا يمپورتتىق كەلٸسٸمشارتتار بويىنشا ەسەپ ايىرىسۋلاردىڭ ۇلعايۋى تٷرتكٸ بولۋى ىقتيمال. سونداي-اق, اقشا باعامىنا رەسەي رۋبلٸ پوزيتسيياسىنىڭ ناشارلاۋى جەنە قىتاي مەن اقش اراسىنداعى گەوساياسي شيەلەنٸستٸڭ جالعاسۋى تەرٸس ەسەر ەتتٸ. مەسەلەن, رەسەي بانكٸنٸڭ رەسمي مەلٸمەتتەرٸنە سەيكەس, 24 سەۋٸردە 1 اقش دوللارىنىڭ باعامى 82,36 رۋبل دەڭگەيٸندە بەلگٸلەندٸ. بٸر كٷن بۇرىن بۇل باعا 80,75 رۋبل بولعان ەدٸ.
Dalanews.kz سايتىنا پٸكٸر بٸلدٸرگەن ساراپشىلار 1 اقش دوللارىنىڭ باعامى الداعى كٷندەرٸ 517-530 تەڭگە ارالىعىندا بولادى دەپ توپشىلايدى, ال جىل سوڭىنا قاراي قازٸر ارزانداپ جاتقان امەريكالىق ۆاليۋتا قايتا كٷشٸنە ەنەتٸنٸ بولجانادى.
