قازاق فۋتبولىنىڭ تۇڭعىش رەت چەمپيوندار ليگاسىنىڭ نەگٸزگٸ كەزەڭٸنە جولداما الۋىنا تٷرتكٸ سپورتشىنىڭ بٸرٸ تەمٸرلان اناربەكوۆكە ەلٸمٸزدە سۋسىن شىعاراتىن تانىمال كومپانييانىڭ ٶكٸلٸ سۋ جاڭا اۆتوكٶلٸكتٸڭ كٸلتٸن تابىس ەتتٸ, دەپ حابارلايدى Dalanews.kz.
ٶز كەزەگٸندە "قايراتتىڭ" قاقپاشىسى حالىق قولداۋىنا العىس بٸلدٸرٸپ, بۇل جەڭٸس تەك جەكە ەڭبەكتٸڭ ەمەس, بٷكٸل قازاقستاننىڭ جەتٸستٸگٸ ەكەنٸن اتاپ ٶتتٸ.
"اسسالاۋماعالەيكۋم, بارشا قازاق حالقىنا! كٶرٸپ جاتىرمىن, ەستٸپ جاتىرمىن. بارلىقتارىڭىزعا العىسىم شەكسٸز! نەتيجە مەنٸڭ ەمەس, بٷكٸل كلۋبتىڭ, بٷكٸل قازاقستاننىڭ كٶمەگٸ دەپ ويلايمىن. سٸزدەر دە جانكٷيەر بولساڭىزدار, بٸز ٶزٸمٸزدٸ ودان دا جاقسى كٶرسەتەمٸز بۇيىرسا", – دەيدٸ "قايرات" كلۋبىنىڭ قاقپاشىسى.
ايتا كەتسەك, 27 تامىزدا ٶتكەن تاريحي ويىندا "قايرات" كومانداسى شوتلاندييانىڭ "سەلتيگٸن" پەنالتي سەريياسىندا (3:2) جەڭٸپ, تۇڭعىش رەت چەمپيوندار ليگاسىنىڭ نەگٸزگٸ كەزەڭٸنە جولداما الدى. سول ويىندا 21 جاستاعى اناربەكوۆ ٷش بٸردەي پەنالتيدٸ قايتارعان.
ايتا كەتەيٸك, جۋىردا عانا الماتىلىق "قايرات" "رەال مادريدپەن" كەزدەستٸ. ٶكٸنٸشكە قاراي, العان جاراقاتىنا بايلانىستى اناربەكوۆ الاڭعا شىعا المادى. ونىڭ ورنىن 18 جاستاعى قاقپاشىسى شەرحان قالمىرزا باستى. 5-0 ەسەبٸمەن اياقتالعان بۇل ماتچتا شەرحان جەتٸ دوپتىڭ بەتٸن قايتارىپ, تٸپتٸ حالىقارالىق فۋتبول قاۋىمداستىعىنىڭ كٶزٸنە تٷسٸپ ٷلگەردٸ. وعان بەلگٸلٸ بيزنەسمەن ۇلىقبەك شاريپوۆ Exeed كٶلٸگٸن سىيعا تارتۋ ەتكەن بولاتىن.
