اتىراۋدا تٶرت ادامدى ٶلتٸردٸ دەپ ايىپتالعان سۇلتان سەرسەمەليەۆكە قاتىستى سوت پروتسەسٸ جالعاسىپ جاتىر. 16 ماۋسىمداعى وتىرىستا ايىپتالۋشىدان جاۋاپ الىندى, دەپ حابارلايدى dalanews.kz.
سوت بارىسىندا سەرسەمەليەۆ وقيعاعا دەيٸنگٸ جاعدايدى ٶز نۇسقاسى بويىنشا ايتىپ بەردٸ. ونىڭ سٶزٸنشە, بالالارىنا اناسى قاراپ وتىرعان. ال 2025 جىلدىڭ قىركٷيەگٸندە ەيەلٸ اقبايان مۇقانعاليەۆاعا بٸرٸنشٸ توپ مٷگەدەكتٸگٸ بار دەگەن انىقتاما بەرٸلگەن. كەيٸن ونى ەرەكەتكە قابٸلەتسٸز دەپ تانۋ تۋرالى شەشٸمدٸ ەكٸ اي كٷتۋ قاجەت بولعان.
ايىپتالۋشى وسى ۋاقىتتا ٷش جاسار قىزى مەن ەيەلٸن الىپ, قايىن جۇرتى تۇراتىن جانگەلدين اۋىلىنا بارۋدى ويلاعانىن ايتتى. ونىڭ ايتۋىنشا, ول اقباياننىڭ تۋىستارىمەن سٶيلەسٸپ, جاعدايدى تٷسٸندٸرمەك بولعان.
«كٶزقاراسى ٶزگەرگەن بولار, بارىپ قايتايىق دەدٸم. جاقسى بولسا, اقبايانعا قامقورشى رەتٸندە سول كٸسٸلەردٸ تاعايىندايدى دەپ ويلادىم. باردىم. ەشتەڭە ويلاستىرىپ بارعان جوقپىن. جانىمدا ٷش جاسار قىزىم بار. ويىن بٸلگٸم كەلدٸ», — دەدٸ سەرسەمەليەۆ سوتتا.
ونىڭ سٶزٸنشە, بۇل جاعداي 3 قاراشا كٷنٸ بولعان. ايىپتالۋشى قايىن جۇرتىنىڭ ٷيٸنە كٸرگەن كەزدە ٶزٸن جىلى قارسى الماعانىن ايتتى.
«ٷيدەگٸ ماقسوت قارابالين, نەسٸپ ٶتەشقاليەۆا, مەيرامگٷل قارابالينا “سەن نەگە كەلدٸڭ?” دەدٸ. ەسٸكتەن كٸرگەن بويدا قاتتى سٶزدەر ايتتى. اقبايان دەمالسىنشى دەپ, “ەرتەڭ سٶيلەسەيٸك” دەدٸم دە, ۇيىقتاپ قالدىم», — دەدٸ ول.
سەرسەمەليەۆتٸڭ ايتۋىنشا, كەلەسٸ كٷنٸ تاڭەرتەڭ ونى ەيەلٸنٸڭ ەكەسٸ وياتىپ, قالعان بالالاردى الىپ كەلۋدٸ تالاپ ەتكەن.
«تاڭعى ۋاقىتتا ەكەسٸ اياعىمنان تەۋٸپ وياتتى. “قالعان بالالار قايدا? ولاردى الىپ كەل. اقبايان وسى ٷيدە قالادى” دەدٸ. اناداي كٶزقاراستى تٷسٸنبەي قالدىم. بەكەر كەلدٸم دەگەن وي بولدى», — دەدٸ ايىپتالۋشى.
ول قامقورشىلىق پەن مٷگەدەكتٸككە قاتىستى مەسەلەنٸ تٷسٸندٸرٸپ ٷلگەرمەگەنٸن جەتكٸزدٸ. سەرسەمەليەۆتٸڭ سٶزٸنشە, قايىن جۇرتى قالعان بالالاردى دا ەكەلۋدٸ تالاپ ەتٸپ, ەكەلمەگەن جاعدايدا ٷيٸنە بارىپ جانجال شىعاراتىنىن ايتقان.
ايىپتالۋشى سوتتا بۇل جاعداي ٶزٸنە پسيحولوگييالىق تۇرعىدان اۋىر ەسەر ەتكەنٸن مەلٸمدەدٸ. سونىمەن قاتار ول ەلگە كەلگەن سوڭ قىلمىسىن مويىنداعانىن ايتتى.
«ەلدە تەرگەۋشٸگە جەتپەي, ەۋەجايدا قابىلداعان كٸسٸلەرگە قىلمىسىمدى مويىنداپ تاستاعام. اقتالاتىنداي, قىلمىستان جالتاراتىنداي ەشقانداي ەرەكەت جاساعان جوقپىن», — دەدٸ سەرسەمەليەۆ.
سوتتا ايىپتالۋشى كٶزٸنە جاس الىپ, بولعان جاعدايعا قاتىستى ٶكٸنٸشٸن جەتكٸزدٸ.
«تٷسٸنەمٸن, ارتىق كەتتٸم. بٸراق ولار دا ٶزدەرٸ سۇراپ العانداي بولدى. بٸرەۋٸ بولماسا بٸرەۋٸ قويار دەپ مٷمكٸندٸك بەردٸم عوي», — دەدٸ ول.
قازٸرگٸ ۋاقىتتا سوت پروتسەسٸ جالعاسىپ جاتىر. ٸستٸڭ تولىق مەن-جايى سوت بارىسىندا انىقتالماق.
