Qazaq fýtbolynyń tuńǵysh ret Chempiondar ligasynyń negizgi kezeńine joldama alýyna túrtki sportshynyń biri Temirlan Anarbekovke elimizde sýsyn shyǵaratyn tanymal kompaniianyń ókili sý jańa avtokóliktiń kiltin tabys etti, dep habarlaidy Dalanews.kz.
Óz kezeginde "Qairattyń" qaqpashysy halyq qoldaýyna alǵys bildirip, bul jeńis tek jeke eńbektiń emes, búkil Qazaqstannyń jetistigi ekenin atap ótti.
"Assalaýmaǵaleikým, barsha qazaq halqyna! Kórip jatyrmyn, estip jatyrmyn. Barlyqtaryńyzǵa alǵysym sheksiz! Nátije meniń emes, búkil klýbtyń, búkil Qazaqstannyń kómegi dep oilaimyn. Sizder de jankúier bolsańyzdar, biz ózimizdi odan da jaqsy kórsetemiz buiyrsa", – deidi "Qairat" klýbynyń qaqpashysy.
Aita ketsek, 27 tamyzda ótken tarihi oiynda "Qairat" komandasy Shotlandiianyń "Seltigin" penalti seriiasynda (3:2) jeńip, tuńǵysh ret Chempiondar ligasynyń negizgi kezeńine joldama aldy. Sol oiynda 21 jastaǵy Anarbekov úsh birdei penaltidi qaitarǵan.
Aita keteiik, jýyrda ǵana almatylyq "Qairat" "Real Madridpen" kezdesti. Ókinishke qarai, alǵan jaraqatyna bailanysty Anarbekov alańǵa shyǵa almady. Onyń ornyn 18 jastaǵy qaqpashysy Sherhan Qalmyrza basty. 5-0 esebimen aiaqtalǵan bul matchta Sherhan jeti doptyń betin qaitaryp, tipti halyqaralyq fýtbol qaýymdastyǵynyń kózine túsip úlgerdi. Oǵan belgili biznesmen Ulyqbek Sharipov Exeed kóligin syiǵa tartý etken bolatyn.
