الماتىنىڭ «قايرات» كلۋبى مەن قازاقستان ۇلتتىق قۇراماسىنىڭ قاقپاشىسى تەمىرلان اناربەكوۆ كومانداسىمەن جاڭا كەلىسىمشارتقا قول قويدى، دەپ حابارلايدى Dalanews.kz.
22 جاستاعى قازاقستاندىق قاقپاشى «قايراتپەن» 2028 جىلدىڭ قاراشا ايىنا دەيىن ەسەپتەلگەن جاڭا كەلىسىم جاساستى. وسىلايشا، ەۋروپا كلۋبتارىنا اۋىسۋى مۇمكىن دەگەن قاۋەسەتتەرگە قاراماستان، اناربەكوۆ مانسابىن الماتىدا جالعاستىراتىن بولدى.
ماۋسىم باسىندا تەمىرلان «قايراتتا» نەگىزگى قۇرامدا بولماعان. الايدا نەگىزگى قاقپاشى الەكساندر زارۋسكيي جاراقات العاننان كەيىن الاڭعا شىعىپ، ءوزىن تولىقتاي دالەلدەي الدى.
بۇعان دەيىن "قايرات" فۋتبول كلۋبىنىڭ قاقپاشىسى تەمىرلان اناربەكوۆ چەمپيوندار ليگاسى ويىنشىلارى رەيتينگىندە كوش باستاعان بولاتىن.
ۋەفا چەمپيوندار ليگاسىنىڭ 2025/26 ماۋسىمىنداعى توپتىق كەزەڭنىڭ التىنشى تۋرىنان كەيىن «قايرات» قاقپاشىسى تەمىرلان اناربەكوۆ فۋتبول الەمىن تاڭعالدىردى.
SofaScore پورتالى جاريالاعان ەڭ جوعارى كورسەتكىش جيناعان ويىنشىلار رەيتينگىندە قازاقستاندىق قاقپاشى كيليان مباپپەدەن وزىپ ءتۇستى:
اناربەكوۆ — 8،9
مباپپە — 8،34
