كونستيتۋسيالىق كوميسسيانىڭ كەزەكتى وتىرىسى باستالدى، دەپ حابارلايدى Dalanews.kz.
كونستيتۋسيالىق سوت ءتوراعاسىنىڭ ورىنباسارى باقىت نۇرمۇحانوۆ كونستيتۋسيالىق رەفورما كوميسسياسىنىڭ مۇشەلەرىنە اتا زاڭعا ەنگىزىلەتىن وزگەرىستەردىڭ جيىنتىق جوباسىن تانىستىردى.
"بۇل قۇجات ازاماتتاردان، ساياسي پارتيالاردان، قوعامدىق ۇيىمداردان جانە ساراپشىلاردان تۇسكەن بارلىق ۇسىنىس نەگىزىندە ازىرلەندى"، - دەدى ول.
باقىت نۇرمۇحانوۆتىڭ ايتۋىنشا، جاڭارتىلعان كونستيتۋسيا جوباسىندا پرەامبۋلا، 11 ءبولىم جانە 104 باپ بار. "حالىق كەڭەسى" جانە "كونستيتۋسياعا وزگەرىستەر مەن تولىقتىرۋلار ەنگىزۋ" اتتى ەكى جاڭا ءبولىم ەنگىزىلگەن. تاعى 4 ءبولىمنىڭ اتاۋى وزگەردى.
"وزگەرىستەر مەن تولىقتىرۋلار اتا زاڭنىڭ بارلىق ءبولىمىن قامتىپ، 77 باپقا تۇزەتۋلەر ەنگىزىلدى. بۇل - كونستيتۋسيا ءماتىنىنىڭ 84%-ى"، - دەدى كونستيتۋسيالىق كوميسسيانىڭ مۇشەسى.
