ايجان يسايەۆانى ماقتاارالدىق تۇرعىندار دانەكەرلەۋشى مامان رەتىندە جاقسى تانيدى. ونىڭ قولىنان شىققان ۇيگە قاجەتتى زاتتار ءقازىر سۇرانىسقا يە. وتاعاسىمەن بىرگە تەمىردەن ءتۇيىن ءتۇيىپ، كاسىپ ەتىپ كەلە جاتقان نازىك جاندىنىڭ العا قويعان جوسپارى دا ۇشان-تەڭىز.
ايجان يسايەۆا بالا كەزىنەن قۋىرشاقتان گورى تەمىر-تەرسەكپەن ويناۋدى قۇپ كورىپتى. نازىك جاندىعا ءۇي شارۋاسىنان بۇرىن دالا جۇمىسىن جاساۋ ىڭعايلى كورىنەدى.
مۇنىسىن جۇبايى اللانازاردا بايقاعان. سوسىن وتاعاسى ايجانعا دانەكەرلەۋ ىسىندەگى ەڭ ءبىرىنشى قاۋىپسىزدىك ەرەجەلەرىن ساقتاۋدى ۇيرەتكەن. ءقازىر وتباسى بولىپ، بىرگە ەڭبەك ەتىپ كەلەدى.
ايجان يسايەۆا، دانەكەرلەۋشى:
- مەن ءوزىم كىشكەنتاي كەزىمنەن ۇلداردىڭ اراسىندا ءوستىم ويناپ. ءسويتىپ ۇل سەكىلدى وسىنداي نارسەگە قىزىعامىن. ماعان ايەلدەردىڭ جۇمىسىنان گورى ەرلەردىڭ جۇمىسى وڭاي سياقتى كورىنەدى. ءۇيدىڭ تىرلىگىنە دە، جالپى ەر كىسىنىڭ ىسىنە دە ۇلگەرەمىن.
جەتىساي قالاسىندا تۇراتىن مولداسلاموۆتارعا تاپسىرىس جەتەرلىك.
ەرلى-زايىپتىلار اۋدانداعى جەكەمەنشىك مەكەمەلەردىڭ بىرىندە قىزمەت ەتەدى. اللانازاردىڭ نەگىزگى ماماندىعى مۋزىكانت. ونەر الەمىندە ءىز قالدىرماعانمەن، 15 جىلدان بەرى دانەكەرلەۋشى بولىپ جۇمىس ىستەپ كەلەدى. بۇل سالاعا ايەلىندە باۋلىپ جۇرگەن ءوزى.
اللانازار مولداسلاموۆ، ا.يسايەۆانىڭ جۇبايى: - ءوزى يكەمگە كەلىپ، مەن سۆاركا جاساپ، ول دا سونى ىستەپ قولىنان كەلىپ جاتقان سوڭ مەن ەشقانداي قارسىلىق بىلدىرگەن جوقپىن. ءۇيدىڭ شارۋاسىنا كەلسەك، ۇيدە دە تاماقتى ءدامدى ەتىپ ىستەيدى. قولىنان بار نارسە كەلەدى.
