Aijan Isaevany maqtaaraldyq turǵyndar dánekerleýshi maman retinde jaqsy tanidy. Onyń qolynan shyqqan úige qajetti zattar qazir suranysqa ie. Otaǵasymen birge temirden túiin túiip, kásip etip kele jatqan názik jandynyń alǵa qoiǵan jospary da ushan-teńiz.
Aijan Isaeva bala kezinen qýyrshaqtan góri temir-tersekpen oinaýdy qup kóripti. Názik jandyǵa úi sharýasynan buryn dala jumysyn jasaý yńǵaily kórinedi.
Munysyn jubaiy Allanazarda baiqaǵan. Sosyn otaǵasy Aijanǵa dánekerleý isindegi eń birinshi qaýipsizdik erejelerin saqtaýdy úiretken. Qazir otbasy bolyp, birge eńbek etip keledi.
Aijan Isaeva, dánekerleýshi:
- Men ózim kishkentai kezimnen uldardyń arasynda óstim oinap. Sóitip ul sekildi osyndai nársege qyzyǵamyn. Maǵan áielderdiń jumysynan góri erlerdiń jumysy ońai siiaqty kórinedi. Úidiń tirligine de, jalpy er kisiniń isine de úlgeremin.
Jetisai qalasynda turatyn Moldaslamovtarǵa tapsyrys jeterlik.
Erli-zaiyptylar aýdandaǵy jekemenshik mekemelerdiń birinde qyzmet etedi. Allanazardyń negizgi mamandyǵy mýzykant. Óner áleminde iz qaldyrmaǵanmen, 15 jyldan beri dánekerleýshi bolyp jumys istep keledi. Bul salaǵa áielinde baýlyp júrgen ózi.
Allanazar Moldaslamov, A.Isaevanyń jubaiy: - Ózi ikemge kelip, men svarka jasap, ol da sony istep qolynan kelip jatqan soń men eshqandai qarsylyq bildirgen joqpyn. Úidiń sharýasyna kelsek, úide de tamaqty dámdi etip isteidi. Qolynan bar nárse keledi.
