باعدارلاما ارقىلى تەك ايماقتىڭ اجارى كىرىپ قانا قويماي حالىقتا جۇمىسپەن قامتىلادى. ماسەلەن، تەكەلىدە 78 ادام ەڭبەككە تارتىلعان. ونىڭ ىشىندە 13ء-ى جول قۇرىلىسىنىڭ باسى-قاسىندا.
جاقىندا قالا كوشەلەرى مەن جاياۋ جۇرگىنشىلەرگە ارنالعان جولدار قالپىنا كەلتىرىلمەك.
قۇرىلىس جۇمىستارى قىزا تۇسكەن. قونايەۆ كوشەسىنىڭ بويىمەن تەمىر جول وتكەلىنەن قالانىڭ كىرەبەرىسى جانە قونايەۆتان كۇنشىعىس كوشەسىنە دەيىنگى جولدا جاڭا ارىق ناۋالارى سالىنىپ، جاياۋ جۇرگىنشىلەر جولىنىڭ قاڭقاسى قالانۋدا. سونداي-اق، وراقتى باتىر، جانسۇگىروۆ، ءال-فارابي كوشەلەرىنىڭ جيەگىنە ارىق جۇيەلەرى توسەلۋدە. جاۋاپتى مەردىگەر – «نۇر-شاپاعات قۇرىلىس» ج ش س. جاياۋ جۇرگىنشىلەرگە ارنالعان جاڭا جولدار مەن ارىق جۇيەلەرىنىڭ يگىلىگىن كورەتىن كۇن دە الىس ەمەس.
بۇدان بولەك تەكەلىدە ويىن الاڭدارىنىڭ ءارقايسىسىنا جەكە جوبا قاراستىرىلىپ بارلىعى 22 الاڭ سالىنادى.
بۇگىندە الاڭداردىڭ ورنىن دايىنداۋ جۇمىستارى جۇرگىزىلۋدە: قۇرىلىسشىلار قۇم سەۋىپ، تاس توسەنىشتەردى ورنىقتىرۋدا. عارىشكەرلەر كوشەسى، 5 مەكەنجايىندا اۋدانى 331 م2 بولاتىن الاڭنىڭ جۇمىسى قارقىندى ءجۇرىپ جاتىر. مۇندا ارنايى جۇمساق جابىن توسەلىپ، اتكەنشەك، قۇمسالعىش، ورىندىق سىندى زامان تالابىنا ساي ويىن قۇرىلعىلارى ورناتىلادى.
انار سابىروۆا
