Baǵdarlama arqyly tek aimaqtyń ajary kirip qana qoimai halyqta jumyspen qamtylady. Máselen, Tekelide 78 adam eńbekke tartylǵan. Onyń ishinde 13-i jol qurylysynyń basy-qasynda.
Jaqynda qala kósheleri men jaiaý júrginshilerge arnalǵan joldar qalpyna keltirilmek.
Qurylys jumystary qyza túsken. Qonaev kóshesiniń boiymen temir jol ótkelinen qalanyń kireberisi jáne Qonaevtan Kúnshyǵys kóshesine deiingi jolda jańa aryq naýalary salynyp, jaiaý júrginshiler jolynyń qańqasy qalanýda. Sondai-aq, Oraqty batyr, Jansúgirov, ál-Farabi kósheleriniń jiegine aryq júieleri tóselýde. Jaýapty merdiger – «Nur-Shapaǵat qurylys» JShS. Jaiaý júrginshilerge arnalǵan jańa joldar men aryq júieleriniń igiligin kóretin kún de alys emes.
Budan bólek Tekelide oiyn alańdarynyń árqaisysyna jeke joba qarastyrylyp barlyǵy 22 alań salynady.
Búginde alańdardyń ornyn daiyndaý jumystary júrgizilýde: qurylysshylar qum seýip, tas tósenishterdi ornyqtyrýda. Ǵaryshkerler kóshesi, 5 mekenjaiynda aýdany 331 m2 bolatyn alańnyń jumysy qarqyndy júrip jatyr. Munda arnaiy jumsaq jabyn tóselip, átkenshek, qumsalǵysh, oryndyq syndy zaman talabyna sai oiyn qurylǵylary ornatylady.
Anar SABYROVA
