جالپى شىعىس قازاقستان وبلىسىندا اۋىل حالىقىن ساپالى اۋىز سۋمەن قامتۋ ءىسى 2015 جىلى قارقىن العان بولاتىن. ءدال وسى جىلى وڭىردەگى حالىقتى اۋىز سۋمەن قامتيتىن نىسانداردى سالۋعا جانە جوندەۋگە جىل سايىن ءبولىنىپ جۇرگەن قارجىدان 8 ەسە جوعارى اقشا بولىنگەن-دى. سونىڭ ارقاسىندا شىعىس قازاقستان وبلىسىنداعى ورتالىقتاندىرعان اۋىز سۋ جۇيەسى كورسەتكىشى 85 پايىزدان 96،5 پايىزعا دەيىن ۇلعايدى وسىلايشا اۋىل حالقى ساپالى اۋىز سۋعا قول جەتكىزدى.
– قالا مەن اۋىل حالقىنىڭ تۇرمىس جاعدايىن تەڭەستىرۋ جولىندا تاۋەلسىزدىك جىلدارى كوپتەگەن جۇمىستار اتقارىلدى. سونىڭ ءبىرى حالىقتى ساپالى اۋىز سۋمەن قامتۋ ءىسى. 2015 جىلى مەملەكەت قازىناسىنان بولىنگەن قىرۋار قاراجاتتىڭ ارقاسىندا وبلىس اۋماعىنداعى 294 اۋىلدىڭ سۋ قۇبىرلارىن سالىندى. وسىن اۋقىمدى جۇمىستىڭ ارقاسىندا اۋىلدى جەردە تۇراتىن 288 مىڭ ادامنىڭ ساپالى اۋىز سۋعا قولجەتىمدىلىگى ارتتى، – دەپ شقو اكىمى دانيال احمەتوۆ ايتقان بولاتىن.
ءوز كەزەگىندە وبلىس باسشىسى 2025 جىلعا دەيىن وڭىردەگى 84 اۋىلدىڭ اۋىز سۋ قۇربىرلارىن جاڭادان سالىپ، 33 اۋىلدىڭ سۋ قۇبىرلارىنان كۇردەلى جوندەۋ جۇمىستارى جۇرگىزىلەتىنىن العا تارتقان بولاتىن. بۇعان مەملەكەت قازىناسىنان 75 ملرد تەڭگە قاراستىرىلىپ وتىر ەكەن. وسىلايشا 2025 جىلى شىعىس قازاقستان وبلىسىنداعى اۋىلداردىڭ ءبارىن ساپالى اۋىز سۋمەن قامتىلاتىن بولادى.
ۇستىمىزدەگى اۋىل حالقىن ساپالى اۋىز سۋمەن قامتۋ ءىسى بويىنشا 63 جوبا جۇزەگە اسىپ، وعان 55،2 ملرد تەڭگە جۇمسالعانىن ايتا كەتۋىمىز كەرەك. شقو-دا ادام سانى از اۋىلداردا سۋ تازارتاتىن ستانسالار ورناتىلعان. ايتالىق، وتكەن جىلى 51 ستانسا ورناتسىلسا، بيىل ولاردىڭ سانى 52 جەتىپ، بۇعان وبلىس بيۋدجەتىنەن 484،5 ملن تەڭگە جۇمسالعان.
