Jalpy Shyǵys Qazaqstan oblysynda aýyl halyqyn sapaly aýyz sýmen qamtý isi 2015 jyly qarqyn alǵan bolatyn. Dál osy jyly óńirdegi halyqty aýyz sýmen qamtıtyn nysandardy salýǵa jáne jóndeýge jyl saıyn bólinip júrgen qarjydan 8 ese joǵary aqsha bólingen-di. Sonyń arqasynda Shyǵys Qazaqstan oblysyndaǵy ortalyqtandyrǵan aýyz sý júıesi kórsetkishi 85 paıyzdan 96,5 paıyzǵa deıin ulǵaıdy Osylaısha aýyl halqy sapaly aýyz sýǵa qol jetkizdi.
– Qala men aýyl halqynyń turmys jaǵdaıyn teńestirý jolynda Táýelsizdik jyldary kóptegen jumystar atqaryldy. Sonyń biri halyqty sapaly aýyz sýmen qamtý isi. 2015 jyly memleket qazynasynan bólingen qyrýar qarajattyń arqasynda oblys aýmaǵyndaǵy 294 aýyldyń sý qubyrlaryn salyndy. Osyn aýqymdy jumystyń arqasynda aýyldy jerde turatyn 288 myń adamnyń sapaly aýyz sýǵa qoljetimdiligi artty, – dep SHQO ákimi Danıal Ahmetov aıtqan bolatyn.
Óz kezeginde oblys basshysy 2025 jylǵa deıin óńirdegi 84 aýyldyń aýyz sý qurbyrlaryn jańadan salyp, 33 aýyldyń sý qubyrlarynan kúrdeli jóndeý jumystary júrgiziletinin alǵa tartqan bolatyn. Buǵan memleket qazynasynan 75 mlrd teńge qarastyrylyp otyr eken. Osylaısha 2025 jyly Shyǵys Qazaqstan oblysyndaǵy aýyldardyń bárin sapaly aýyz sýmen qamtylatyn bolady.
Ústimizdegi aýyl halqyn sapaly aýyz sýmen qamtý isi boıynsha 63 joba júzege asyp, oǵan 55,2 mlrd teńge jumsalǵanyn aıta ketýimiz kerek. SHQO-da adam sany az aýyldarda sý tazartatyn stansalar ornatylǵan. Aıtalyq, ótken jyly 51 stansa ornatsylsa, bıyl olardyń sany 52 jetip, buǵan oblys búdjetinen 484,5 mln teńge jumsalǵan.
