Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Táýelsizdik jyldary ShQO aýyldaryn aýyz sýmen qamtý isi 85 paiyzdan 96,5 paiyzǵa deiin artty

Dalanews
Táýelsizdik jyldary ShQO aýyldaryn aýyz sýmen qamtý isi 85 paiyzdan 96,5 paiyzǵa deiin artty
Táýelsizdik jyldary ortalyqtan shet jatqan aýyldardy sapaly aýyz sýmen qamtý eń ózekti máselelerdiń biri bolǵany belgili. Toqsanynshy jyldardyń basynda aýyl turǵyndaryn aýyz sýmen qamtý Shyǵys Qazaqstan oblysynda da kezek kúttirmei sheshetin máselelerdiń biri edi. Desek te ShQO ákimdigi sońǵy 6 jyl ishinde bul baǵytta kóptegen jobany júzege asyryp, júzdegen aýylǵa aýyz sý tartty, – dep habarlaidy Dalanews.kz.

Jalpy Shyǵys Qazaqstan oblysynda aýyl halyqyn sapaly aýyz sýmen qamtý isi 2015 jyly qarqyn alǵan bolatyn. Dál osy jyly óńirdegi halyqty aýyz sýmen qamtityn nysandardy salýǵa jáne jóndeýge jyl saiyn bólinip júrgen qarjydan 8 ese joǵary aqsha bólingen-di. Sonyń arqasynda Shyǵys Qazaqstan oblysyndaǵy ortalyqtandyrǵan aýyz sý júiesi kórsetkishi 85 paiyzdan 96,5 paiyzǵa deiin ulǵaidy Osylaisha aýyl halqy sapaly aýyz sýǵa qol jetkizdi.

– Qala men aýyl halqynyń turmys jaǵdaiyn teńestirý jolynda Táýelsizdik jyldary kóptegen jumystar atqaryldy. Sonyń biri halyqty sapaly aýyz sýmen qamtý isi. 2015 jyly memleket qazynasynan bólingen qyrýar qarajattyń arqasynda oblys aýmaǵyndaǵy 294 aýyldyń sý qubyrlaryn salyndy. Osyn aýqymdy jumystyń arqasynda aýyldy jerde turatyn 288 myń adamnyń sapaly aýyz sýǵa qoljetimdiligi artty, – dep ShQO ákimi Danial Ahmetov aitqan bolatyn.

Óz kezeginde oblys basshysy 2025 jylǵa deiin óńirdegi 84 aýyldyń aýyz sý qurbyrlaryn jańadan salyp, 33 aýyldyń sý qubyrlarynan kúrdeli jóndeý jumystary júrgiziletinin alǵa tartqan bolatyn. Buǵan memleket qazynasynan 75 mlrd teńge qarastyrylyp otyr eken. Osylaisha 2025 jyly Shyǵys Qazaqstan oblysyndaǵy aýyldardyń bárin sapaly aýyz sýmen qamtylatyn bolady.

Ústimizdegi aýyl halqyn sapaly aýyz sýmen qamtý isi boiynsha 63 joba júzege asyp, oǵan 55,2 mlrd teńge jumsalǵanyn aita ketýimiz kerek. ShQO-da adam sany az aýyldarda sý tazartatyn stansalar ornatylǵan. Aitalyq, ótken jyly 51 stansa ornatsylsa, biyl olardyń sany 52 jetip, buǵan oblys biýdjetinen 484,5 mln teńge jumsalǵan.
Madina Sádýaqasova

Oqi otyryńyz