جاڭا كونستيتۋتسييا جوباسى جارييالانعاننان كەيٸن قوعامدا تٷرلٸ پٸكٸر ايتىلا باستادى. سولاردىڭ بٸرٸ - رەسپۋبليكانىڭ تاريحي اتاۋىن قالپىنا كەلتٸرۋ مەسەلەسٸ. تاريحشى سەبيت شٸلدەباي قازاقستاننىڭ اتاۋىن قايتادان "قازاق رەسپۋبليكاسى" دەپ ٶزگەرتۋ قاجەت دەگەن ۇسىنىسىن بٸلدٸردٸ, دەپ حابارلايدى Dalanews.kz.
ونىڭ ايتۋىنشا, 1920 جىلى 6 قازاندا قازاق اكسر قۇرىلعانى رەسمي تٷردە جارييالانعان. ال 2025 جىلعى قازاندا بۇل تاريحي وقيعانىڭ 105 جىلدىعىنا وراي قازاقستان رەسپۋبليكاسىنىڭ ورتالىق مەملەكەتتٸك ارحيۆٸ رەسپۋبليكالىق عىلىمي كونفەرەنتسييا ٶتكٸزگەن.
تاريحي دەرەكتەرگە سٷيەنسەك, 1920 جىلعى 26 تامىزدا ۆ.لەنين قول قويعان "قىرعىز (قازاق) اكسر-ٸن قۇرۋ تۋرالى" دەكرەتتە دە "قازاق" اتاۋى قولدانىلعان. 1925 جىلى 19 سەۋٸردە قازاق حالقى ٶزٸنٸڭ تاريحي اتاۋىن رەسمي تٷردە قايتارىپ, ول ورىس تٸلٸندە "كازاك" دەپ جازىلا باستايدى. ال 1936 جىلدان باستاپ اتاۋ "كازاح" بولىپ ٶزگەرتٸلگەن.
1936 جىلى قازاق اكسر-ٸ وداقتاس رەسپۋبليكا مەرتەبەسٸنە يە بولىپ, سول كەزەڭدە دە "قازاق" اتاۋى ساقتالعان. تاريحشىنىڭ ايتۋىنشا, رەسپۋبليكا بۇل اتاۋدى 71 جىل بويى يەلەنٸپ كەلدٸ.
الايدا 1991 جىلعى 10 جەلتوقساندا تەۋەلسٸزدٸك قارساڭىنداعى ساياسي جاعدايلارعا بايلانىستى "قازاق كسر-ٸن قازاقستان رەسپۋبليكاسى دەپ ٶزگەرتۋ تۋرالى" شەشٸم قابىلدانىپ, تاريحي اتاۋ ٶزگەرتٸلگەن.
سەبيت شٸلدەبايدىڭ پٸكٸرٸنشە, قازٸر ەزٸرلەنٸپ جاتقان جاڭا كونستيتۋتسييا – قازاقستان تاريحىنداعى بەسٸنشٸ, ال تەۋەلسٸز قازاقستان تاريحىنداعى ٷشٸنشٸ كونستيتۋتسييا. ونىڭ سٶزٸنشە, وسى قۇجاتتى قابىلداۋ بارىسىندا مەملەكەتتٸڭ تاريحي اتاۋىن قايتارۋ ورىندى ەرٸ ەدٸلەتتٸ قادام بولار ەدٸ.
ساراپشى كٶرشٸلەس قىرعىزستاندى مىسالعا كەلتٸرٸپ, 1993 جىلى بۇل ەل قىرعىزستان رەسپۋبليكاسى اتاۋىن قىرعىز رەسپۋبليكاسى دەپ ٶزگەرتكەنٸن دە ەسكە سالدى.
