ءوز كەزەگىندە قازاقستاننىڭ گرەكياداعى توتەنشە جانە وكىلەتتى ەلشىسى كەڭەسشىسى تيمۋر سۇلتانعوجين كورمەنى ۇيىمداستىرۋشى قازاقستاندىقتارعا العىسىن ءبىلدىردى.
الداعى ۋاقىتتا قازاقستان مەن گرەكيا اراسىنداعى تۋريستىك بايلانىس نىعايىپ، تاريحي-كيەلى جەرلەرگە باي قازاق جەرىنە شەتەلدىك ساياحاتشىلاردىڭ نازارىن اۋدارۋعا ەلشىلىك تە قولداۋ بىلدىرەتىنىن جەتكىزدى.
"بۇعان دەيىن "ازىرەت سۇلتان" مەملەكەتتىك تاريحي-مادەني قورىق-مۋزەيى تۇركسوي حالىقارالىق ۇيىمىنىڭ قولداۋىمەن تۇركيا رەسپۋبليكاسىندا دا كورمە ۇيىمداستىرىپ، ءبىرقاتار ءىرى قالالارىنا ياساۋي مۇرالارىن ناسيحاتتاعان بولاتىن.
ەۋروپالىق مادەنيەتتىڭ دامۋىنا ۇلكەن اسەر ەتە وتىرىپ تۋريزم سالاسى دامىعان، اسەم لاندشافتى ارالدارعا باي گرەك ەلىندەگى
بۇل ساپارىمىز ەلباسى نۇرسۇلتان ءابىش ۇلى نازاربايەۆتىڭ "بولاشاققا باعدار:رۋحاني جاڭعىرۋ" باعدارلامالىق ماقالاسىن كەڭىنەن ناسيحاتتاۋ جانە "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ 40 جىلدىعى، تۇركىستان قالاسىنىڭ وبلىس ورتالىعى اتانۋىنا دا ارنالىپ وتىر.
گرەكياعا جاسالعان ساپار بارىسىندا ءبىرقاتار تۋريستىك كەلىسسوزدەر جۇرگىزدىك، مادەني-تاريحي مۇرالاردى دا دارىپتەدىك. تەك كورمەنى عانا كورسەتىپ قويماي ۇلتتىق ونەر، ءسالت-داستۇر، ۇلتتىق ويىنداردى دا بارىنشا ناسيحاتتادىق. مۇندا كەلگەن قازاقستاندىقتاردىڭ ءاربىرى تەك ۇلتتىق كيىمدەر كيىمدەرمەن قىزمەت كورسەتىپ، جان-جاقتى مادەني، رۋحاني كەلبەتىمىزدى دە كەڭىنەن كورسەتۋگە كۇش سالدىق.
ەۋروپالىقتار بويى 2 مەتردەن اساتىن قازاقتىڭ حاس باتىرلارىمەن دە سۋرەتكە ءتۇسىپ، الماتىنىڭ اپورتىنان ءدام تاتتى. الداعى ۋاقىتتا تاريحى تەرەڭ، مادەني مۇراسى باي قازاق ەلىنە ساياحاتتاماق نيەتتە"، – دەيدى بۇل رەتتە "ازىرەت سۇلتان" مەملەكەتتىك تاريحي-مادەني قورىق-مۋزەيىنىڭ ديرەكتورى احمەتجانوۆ نۇربولات قادىر ۇلى.
كورمەگە كەلۋشىلەردىڭ باسىم بولىگى قوجا احمەت ياساۋي جايلى تاريحتان حاباردار بولعانىمەن مۇرالارىن العاش رەت كوزبەن كوردى. سونىمەن قاتار، ەلىمىزدەگى ءبىرقاتار تاريحي ورىندار جايلى دا كورمە ارقىلى قىزىعۋشىلىق بىلدىرگەن تۋريستەر قازاقستان جەرىنە ساياحاتقا كەلمەك.
