Óz kezeginde Qazaqstannyń Grekıadaǵy Tótenshe jáne ókiletti elshisi keńesshisi Tımýr Sultanǵojın kórmeni uıymdastyrýshy qazaqstandyqtarǵa alǵysyn bildirdi.
Aldaǵy ýaqytta Qazaqstan men Grekıa arasyndaǵy týrısik baılanys nyǵaıyp, tarıhı-kıeli jerlerge baı qazaq jerine sheteldik saıahatshylardyń nazaryn aýdarýǵa elshilik te qoldaý bildiretinin jetkizdi.
"Buǵan deıin "Áziret Sultan" memlekettik tarıhı-mádenı qoryq-mýzeıi TÚRKSOI halyqaralyq uıymynyń qoldaýymen Túrkıa Respýblıkasynda da kórme uıymdastyryp, birqatar iri qalalaryna Iasaýı muralaryn nasıhattaǵan bolatyn.
Eýropalyq mádenıettiń damýyna úlken áser ete otyryp týrızm salasy damyǵan, ásem landshafty araldarǵa baı grek elindegi
bul saparymyz Elbasy Nursultan Ábishuly Nazarbaevtyń "Bolashaqqa baǵdar:rýhanı jańǵyrý" baǵdarlamalyq maqalasyn keńinen nasıhattaý jáne "Áziret Sultan" memlekettik tarıhı-mádenı qoryq-mýzeıiniń 40 jyldyǵy, Túrkistan qalasynyń oblys ortalyǵy atanýyna da arnalyp otyr.
Grekıaǵa jasalǵan sapar barysynda birqatar týrısik kelissózder júrgizdik, mádenı-tarıhı muralardy da dáriptedik. Tek kórmeni ǵana kórsetip qoımaı ulttyq óner, salt-dástúr, ulttyq oıyndardy da barynsha nasıhattadyq. Munda kelgen qazaqstandyqtardyń árbiri tek ulttyq kıimder kıimdermen qyzmet kórsetip, jan-jaqty mádenı, rýhanı kelbetimizdi de keńinen kórsetýge kúsh saldyq.
Eýropalyqtar boıy 2 metrden asatyn qazaqtyń has batyrlarymen de sýretke túsip, Almatynyń aportynan dám tatty. Aldaǵy ýaqytta tarıhy tereń, mádenı murasy baı qazaq eline saıahattamaq nıette", – deıdi bul rette "Áziret Sultan" memlekettik tarıhı-mádenı qoryq-mýzeıiniń dırektory Ahmetjanov Nurbolat Qadyruly.
Kórmege kelýshilerdiń basym bóligi Qoja Ahmet Iasaýı jaıly tarıhtan habardar bolǵanymen muralaryn alǵash ret kózben kórdi. Sonymen qatar, elimizdegi birqatar tarıhı oryndar jaıly da kórme arqyly qyzyǵýshylyq bildirgen týrıser Qazaqstan jerine saıahatqa kelmek.
