قازاقستاننىڭ جەرگٸلٸكتٸ جولدارىندا جىل باسىنان بەرٸ زەرتتەلگەن جول ماتەريالدارىنىڭ 32%-ى بەلگٸلەنگەن تالاپتارعا سەيكەس كەلمەگەن. جول اكتيۆتەرٸ ساپاسىنىڭ ۇلتتىق ورتالىعىنىڭ مەلٸمەتٸنشە, وسى كەزەڭدە 15 مىڭنان استام سىناما زەرتحانالىق تەكسەرۋدەن ٶتكەن, دەپ حابارلايدى dalanews.kz.
بۇل دەرەكتەر استانادا ٶتكەن «ساپالى جولدار: جوسپارلاۋدان پايدالانۋعا دەيٸن» سەمينار-كەڭەسٸندە جارييالاندى. ٸس-شارا قر كٶلٸك مينيسترلٸگٸ جانىندا ٶڭٸرلەر مەن جول اكتيۆتەرٸ ساپاسىنىڭ ۇلتتىق ورتالىعى فيليالدارىنىڭ قاتىسۋىمەن ٶتتٸ.
زەرتتەۋ نەتيجەلەرٸ جول ساپاسىنا قاتىستى مەسەلە نىسان پايدالانۋعا بەرٸلگەننەن كەيٸن عانا ەمەس, جول قۇرىلىسىنا قولدانىلاتىن ماتەريالداردى تاڭداۋ جەنە پايدالانۋ كەزەڭٸنەن باستالاتىنىن كٶرسەتەدٸ. زەرتحانالىق سىناقتار تالاپقا ساي ەمەس ماتەريالداردى جۇمىستىڭ باستاپقى كەزەڭٸندە انىقتاۋعا مٷمكٸندٸك بەرەدٸ.
الايدا انىقتالعان كەمشٸلٸكتەردٸ جويۋ مەسەلەسٸ ەلٸ دە ٶزەكتٸ.
جىل باسىنان بەرٸ جەرگٸلٸكتٸ جولداردا 1 997 تەحنولوگييالىق بۇزۋشىلىق پەن اقاۋ تٸركەلگەن. ونىڭ تەك 214-ٸ جويىلعان. قالعان 1 783 بۇزۋشىلىق بويىنشا جۇمىستار اياقتالماعان. ياعني انىقتالعان كەمشٸلٸكتەردٸڭ شامامەن 89%-ى ەلٸ ساقتالىپ وتىر.
بۇدان بٶلەك, 2024–2026 جىلدارى جەرگٸلٸكتٸ اتقارۋشى ورگاندار قابىلداعان 1 127 جول نىسانىندا جٷرگٸزٸلگەن تەكسەرۋلەر بارىسىندا تٷرلٸ سەيكەسسٸزدٸكتەر انىقتالعان.
سەمينار بارىسىندا ٶڭٸرلەردەگٸ پروبلەمالىق نىساندار, زەرتحانالىق زەرتتەۋلەردٸڭ نەتيجەلەرٸ جەنە انىقتالعان اقاۋلاردىڭ ۋاقىتىلى جويىلماۋ سەبەپتەرٸ تالقىلاندى. تەحنيكالىق قاداعالاۋ, مەردٸگەرلەر, جەرگٸلٸكتٸ تاپسىرىس بەرۋشٸلەر مەن جول اكتيۆتەرٸ ساپاسىنىڭ ۇلتتىق ورتالىعى اراسىنداعى ٶزارا ٸس-قيمىلعا دا نازار اۋدارىلدى.
قاتىسۋشىلار قولدانىستاعى نورماتيۆتٸك بازاداعى بٸرقاتار قايشىلىقتارعا دا توقتالدى. وسىعان بايلانىستى جول جۇمىستارى مەن قولدانىلاتىن ماتەريالداردىڭ ساپاسىن باعالاۋعا قويىلاتىن تالاپتاردى بٸرٸزدەندٸرۋ ٷشٸن نورماتيۆتٸك قۇجاتتاردى كەشەندٸ قايتا قاراۋ ۇسىنىلدى.
سەمينار قورىتىندىسى بويىنشا جەرگٸلٸكتٸ جولداردىڭ ساپاسىن ارتتىرۋعا باعىتتالعان ناقتى ٸس-شارالار جوسپارىن ەزٸرلەۋ, جاۋاپتى تۇلعالار مەن اقاۋلاردى جويۋ مەرزٸمدەرٸن بەلگٸلەۋ كٶزدەلٸپ وتىر. سونداي-اق نورماتيۆتٸك بازانى جاڭارتۋ جٶنٸندە ۇسىنىستار ەزٸرلەنەدٸ.
بۇدان بٶلەك, جەرگٸلٸكتٸ جول جەلٸسٸن دامىتۋ بويىنشا ٷش جىلدىق جوسپار ەزٸرلەنٸپ, ٶڭٸرلٸك جەنە رەسپۋبليكالىق دەڭگەيدە شەشۋدٸ قاجەت ەتەتٸن مەسەلەلەر ايقىندالادى.
