الماتى وبلىسىنىڭ جەدەل جەردەم قىزمەتكەرلەرٸ كلينيكالىق ٶلٸمگە ۇشىراعان ەجەيدٸڭ جانىن ساقتاپ قالدى. تالعار اۋدانىنداعى 17/20 بريگاداسى شاقىرتۋعا 10 مينۋتتا جەتكەنٸمەن, ناۋقاستىڭ ەس-تٷسسٸز جاتقانىن كٶرٸپ, بٸردەن مەديتسينالىق كٶمەك كٶرسەتۋگە ۇمتىلعان, – دەپ حابارلايدى Dalanews.kz الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
– 78 جاستاعى ەجەي ەسٸنەن تانىپ قۇلاپتى. مەن كەلسەم ناۋقاستىڭ ۇلى اناسىنىڭ ٶكپەسٸن باسىپ, جٷرەك ماسساجىن جاساپ جاتىر ەكەن. تامىردىڭ سوعۋىن ۇيقى ارتەريياسىنان ۇستاپ قاراسام سوقپاي تۇر. دەرەۋ حاتتاما بويىنشا العاشقى كٶمەك كٶرسەتۋگە كٸرٸستٸم, – دەيدٸ, 17/20 بريگاداسىنىڭ فەلدشەرٸ جانار كەنجەبەكوۆا.
تيٸستٸ شارالاردىڭ ارقاسىندا 80-گە تاياپ قالعان ەجەي كٶپ ۇزاماي كٶزٸن اشىپ, ٶزٸ دەمالا باستاعان. وسىلايشا, قوسىمشا تاعى 17/6 بريگاداسى شاقىرىلىپ, ولار ناۋقاستى تالعار ورتالىق اۋداندىق اۋرۋحاناسىنا جەتكٸزدٸ.
