Almaty oblysynyń jedel járdem qyzmetkerleri klinikalyq ólimge ushyraǵan ájeidiń janyn saqtap qaldy. Talǵar aýdanyndaǵy 17/20 brigadasy shaqyrtýǵa 10 minýtta jetkenimen, naýqastyń es-tússiz jatqanyn kórip, birden meditsinalyq kómek kórsetýge umtylǵan, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
– 78 jastaǵy ájei esinen tanyp qulapty. Men kelsem naýqastyń uly anasynyń ókpesin basyp, júrek massajyn jasap jatyr eken. Tamyrdyń soǵýyn uiqy arteriiasynan ustap qarasam soqpai tur. Dereý hattama boiynsha alǵashqy kómek kórsetýge kiristim, – deidi, 17/20 brigadasynyń feldsheri Janar Kenjebekova.
Tiisti sharalardyń arqasynda 80-ge taiap qalǵan ájei kóp uzamai kózin ashyp, ózi demala bastaǵan. Osylaisha, qosymsha taǵy 17/6 brigadasy shaqyrylyp, olar naýqasty Talǵar ortalyq aýdandyq aýrýhanasyna jetkizdi.
