الەۋمەتتىك جەلىدە تالعار ماڭىندا اتىس بولدى دەگەن اقپارات تارادى، - دەپ حابارلايدى Dalanews.kz.
جەلى قولدانۋشىلاردىڭ سوزىنشە، وقيعا تالعار تراكتىنىڭ ماڭىندا ورنالاسقان تۇزدىباستاۋ اۋىلىندا بولعان. بۇل دەرەككە قاتىستى ءتارتىپ ساقشىلارى پىكىر ءبىلدىردى.
الماتى وبلىسىنىڭ پوليسيا دەپارتامەنتىنىڭ مالىمەتىنشە، بۇزاقىلىق دەرەگى بويىنشا قىلمىستىق ءىس قوزعالعان.
"وقيعاعا قاتىسى بار ادامنىڭ ءبارى ۇستالىپ، پوليسياعا جەتكىزىلدى. ەشكىم زارداپ شەككەن جوق. قازىرگى تاڭدا وقيعانىڭ ءمان-جايى انىقتالىپ جاتىر"، – دەدى ۆەدومستۆو وكىلدەرى.
ارتىنشا وبلىستىق پوليسيا دەپارتامەنتى جاپپاي اتىس بولعانى تۋرالى حاباردى جوققا شىعاردى. الماتى وبلىسى پوليسيا دەپارتامەنتىنىڭ باسپا ءسوز قىزمەتىنىڭ وكىلى ءمان-جايدى ءتۇسىندىردى.
"الەۋمەتتىك جەلىلەردە تاراعان، تالعار اۋدانى تۇزدىباستاۋ اۋىلىنداعى كافەلەردىڭ ءبىرىنىڭ جانىندا اتىس بولعانى تۋرالى اقپارات شىندىققا جاناسپايدى. مەكەمە قوناقتارى سوزگە كەلىپ قالىپ، ارتى جانجالعا ۇلاسقانى بەلگىلى بولدى. سەنىپ تاپسىرىلعان ايماقتى پاترۋلدەپ جۇرگەن پوليسەيلەر وقيعاعا جەدەل ارالاسىپ، جاعدايدى رەتتەدى"، – دەپ جازىلعان پوليسيا جاۋابىندا.
بۇزاقىلىق دەرەگى بويىنشا قىلمىستىق ءىس قوزعالدى. وقيعاعا قاتىسى بارلار پوليسياعا جەتكىزىلدى.
"زارداپ شەككەندەر جوق. ءقازىر وقيعانىڭ ءمان-جايى انىقتالىپ جاتىر"، – دەپ جازىلعان حابارلامادا.
ەسكە سالايىق، بۇعان دەيىن تالعاردا جاپپاي توبەلەس بولىپ، سالدارىنان 16 جاستاعى ءجاسوسپىرىم كوز جۇمدى. جانجال جىگىتتىڭ وتباسى جالعا الاتىن دۇكەننەن باستالعان. تۋىستارىنىڭ ايتۋىنشا، ساۋدا نۇكتەسىنە كەلگەن ساتىپ الۋشى سىرا الىپ، اقشاسىن تولەۋدەن باس تارتقان. وسى جاعدايدان كەيىن توبەلەس باستالعان.
كامەلەتكە تولماعان بالانى ءولتىرۋ فاكتىسى بويىنشا الماتى وبلىسىنىڭ پوليسيا دەپارتامەنتى قىلمىستىق ءىس قوزعادى.
قازىرگى تاڭدا كىنالى دەپ تانىلعان 7 ادام ۇستالىپ، ۋاقىتشا ۇستاۋ يزولياتورىنا قاماۋعا الىنعان.
