Áleýmettik jelide Talǵar mańynda atys boldy degen aqparat tarady, - dep habarlaidy Dalanews.kz.
Jeli qoldanýshylardyń sózinshe, oqiǵa Talǵar traktiniń mańynda ornalasqan Tuzdybastaý aýylynda bolǵan. Bul derekke qatysty tártip saqshylary pikir bildirdi.
Almaty oblysynyń Politsiia departamentiniń málimetinshe, buzaqylyq deregi boiynsha qylmystyq is qozǵalǵan.
"Oqiǵaǵa qatysy bar adamnyń bári ustalyp, politsiiaǵa jetkizildi. Eshkim zardap shekken joq. Qazirgi tańda oqiǵanyń mán-jaiy anyqtalyp jatyr", – dedi vedomstvo ókilderi.
Artynsha oblystyq Politsiia departamenti jappai atys bolǵany týraly habardy joqqa shyǵardy. Almaty oblysy Politsiia departamentiniń baspasóz qyzmetiniń ókili mán-jaidy túsindirdi.
"Áleýmettik jelilerde taraǵan, Talǵar aýdany Tuzdybastaý aýylyndaǵy kafelerdiń biriniń janynda atys bolǵany týraly aqparat shyndyqqa janaspaidy. Mekeme qonaqtary sózge kelip qalyp, arty janjalǵa ulasqany belgili boldy. Senip tapsyrylǵan aimaqty patrýldep júrgen politseiler oqiǵaǵa jedel aralasyp, jaǵdaidy rettedi", – dep jazylǵan politsiia jaýabynda.
Buzaqylyq deregi boiynsha qylmystyq is qozǵaldy. Oqiǵaǵa qatysy barlar politsiiaǵa jetkizildi.
"Zardap shekkender joq. Qazir oqiǵanyń mán-jaiy anyqtalyp jatyr", – dep jazylǵan habarlamada.
Eske salaiyq, buǵan deiin Talǵarda jappai tóbeles bolyp, saldarynan 16 jastaǵy jasóspirim kóz jumdy. Janjal jigittiń otbasy jalǵa alatyn dúkennen bastalǵan. Týystarynyń aitýynsha, saýda núktesine kelgen satyp alýshy syra alyp, aqshasyn tóleýden bas tartqan. Osy jaǵdaidan keiin tóbeles bastalǵan.
Kámeletke tolmaǵan balany óltirý faktisi boiynsha Almaty oblysynyń politsiia departamenti qylmystyq is qozǵady.
Qazirgi tańda kináli dep tanylǵan 7 adam ustalyp, ýaqytsha ustaý izoliatoryna qamaýǵa alynǵan.
