تالعار اۋدانىندا ورىن العان جاعدايمەن تانىسۋ ءۇشىن تج ورنىنا الماتى وبلىسىنىڭ اكىمى مارات سۇلتانعازييەۆ پەن تالعار اۋدانىنىڭ اكىمى تانات ايداربەكوۆ شىقتى.
2024 جىلعى 23 ناۋرىزدا ساعات 00:20-دا الماتى وبلىسى تجد كەزەكشى بولىمىنە تالعار اۋدانىنىڭ بەساعاش اۋىلىندا «بۋراباي» كوتتەدج قالاشىعىندا اۋا رايىنىڭ تۇراقسىزدىعىنا بايلانىستى 2024 جىلعى 21-23 ناۋرىز ارالىعىندا جاڭبىر مەن قارلى جاۋىن-شاشىن جاۋىى ناتيجەسىندە توپىراقتىڭ باتپاقتانۋى ورىن الىپ، سالدارىنان تاۋدىڭ باۋرايىنان ەكى جەكە تۇرعىن ءۇيدىڭ اۋماعىنا توپىراقتىڭ وزدىگىنەن ءتۇسۋى ورىن العانى جايلى حابارلاما كەلىپ ءتۇستى.
توپىراق اياقتالماعان قورعانىس قورشاۋىنىڭ شەتىنەن ءوتىپ كەتكەن (بيىكتىگى 4 م بەتون تىرەۋ قابىرعاسى). كىرگەن توپىراق ۇيدەگى تەرەزەنىڭ سىندىرىپ، زاقىم كەلتىردى، سونىمەن قاتار جەكە تۇرعىن ءۇيدىڭ اۋماعىنداعى ۋاقىتشا تۇرعان قۇرىلىسشا (ءۇي شارۋاشىلىعىنا) ءىشىنارا زاقىم كەلتىردى. تۇسكەن توپىراقتىڭ بولجامدى كولەمى 500 تەكشە مەتردى قۇرايدى. قۇرباندار مەن زارداپ شەككەندەر جوق. ەكى ۇيدە 9 ادام تۇرادى.
وقيعا ورنىنبا تج ءبولىمىنىڭ جانە جەرگىلىكتى اتقارۋشى ورگانداردىڭ قىزمەتكەرلەرى ەكى كوشەنى ارالاۋ جۇمىستارىن ۇيىمداستىردى. تۇرعىنداردى ءقاۋىپسىز جەرگە ەۆاكۋاسيالاۋ جۇمىستارى جۇرگىزىلۋدە. بۇعان دەيىن قازسەلدەنقورعاۋ قىزمەتكەرلەرى ەسكەرتۋ حابارلاماسىن بەرگەن بولاتىن. تاۋلىكتىڭ قاراڭعى ۋاقىتىنا بايلانىستى توپىراق قۇلاۋى مۇمكىن جەرلەردى مۇقيات تەكسەرۋ جۇرگىزۋ قيىنعا سوعۋدا.
وقيعا ورنىنا الماتى وبلىسى تجد 15 قىزمەتكەرى مەن 4 تەحنيكاسى، تجم «قازسەلدەنقورعاۋ» مم 1 قىزمەتكەرى مەن 1 تەحنيكاسى، جەرگىلىكتى اتقارۋشى ورگانداردىڭ 10 قىزمەتكەرى مەن 2 تەحنيكاسى، 2 جەدەل مەديسينالىق جاردەم بريگاداسى شىقتى.
