Talǵar aýdanynda oryn alǵan jaǵdaimen tanysý úshin TJ ornyna Almaty oblysynyń ákimi Marat Sultanǵaziev pen Talǵar aýdanynyń ákimi Tanat Aidarbekov shyqty.
2024 jylǵy 23 naýryzda saǵat 00:20-da Almaty oblysy TJD kezekshi bólimine Talǵar aýdanynyń Besaǵash aýylynda «Býrabai» kottedj qalashyǵynda aýa raiynyń turaqsyzdyǵyna bailanysty 2024 jylǵy 21-23 naýryz aralyǵynda jańbyr men qarly jaýyn-shashyn jaýyy nátijesinde topyraqtyń batpaqtanýy oryn alyp, saldarynan taýdyń baýraiynan eki jeke turǵyn úidiń aýmaǵyna topyraqtyń ózdiginen túsýi oryn alǵany jaily habarlama kelip tústi.
Topyraq aiaqtalmaǵan qorǵanys qorshaýynyń shetinen ótip ketken (biiktigi 4 m beton tireý qabyrǵasy). Kirgen topyraq úidegi terezeniń syndyryp, zaqym keltirdi, sonymen qatar jeke turǵyn úidiń aýmaǵyndaǵy ýaqytsha turǵan qurylyssha (úi sharýashylyǵyna) ishinara zaqym keltirdi. Túsken topyraqtyń boljamdy kólemi 500 tekshe metrdi quraidy. Qurbandar men zardap shekkender joq. Eki úide 9 adam turady.
Oqiǵa ornyna Almaty oblysy TJD 15 qyzmetkeri men 4 tehnikasy, TJM «Qazseldenqorǵaý» MM 1 qyzmetkeri men 1 tehnikasy, jergilikti atqarýshy organdardyń 10 qyzmetkeri men 2 tehnikasy, 2 jedel meditsinalyq járdem brigadasy shyqty.
