تاۋەلسىزدىكتىڭ 30 جىلدىق مەرەكەسىندە جەتىسۋلىقتار قونىستوي قۋىنىشىنا كەنەلدى. تالدىقورعاندا «شاڭىراق» باعدارلاماسىمەن 60 پاتەرلىك ءۇي قولدانىسقا بەرىلدى. جاڭا ءۇيدىڭ ماڭىنا بارلىق الەۋمەتتىك نىساندار جاقىن ورنالاسقان. قالالىقتاردى قوس قۋانىشىمەن قالا اكىمى ەرجان جاسىبايەۆ قۇتتىقتادى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.

5 قاباتتى جاڭا ءۇي وبلىس ورتالىعىنىڭ وڭتۇستىك-باتىس تۇرعىن ءۇي ماسسيۆىندەگى 6 شاعىن اۋداندا ورنالاسقان. جوبانىڭ جالپى قۇنى 860 ملن تەڭگەدەن اسادى. بارلىق اۋماعى اباتتاندىرىلعان، سەرۋەندەۋگە ارنالعان، جانە بالالار ويىن الاڭى بار.

جاڭا باسپاناعا يە بولعاندار قاتارىندا حالىقتىڭ الەۋمەتتىك ءالجۋاز توپتارىنىڭ وكىلدەرى، بيۋدجەتتىك ۇيىمداردىڭ قىزمەتكەرلەرى بار. كوپتەن كۇتكەن پاتەر كىلتتەرىن قولىنا العان تۇرعىندار قۋانىشىن جاسىرماي بىر-بىرىنە قۇتتىقتاۋ تىلەكتەرىن ءبىلدىرىپ، جاڭا باسپاناعا شاشۋ شاشتى.

قونىستوي قۋانىشىنا كەنەلگەن ازاماتتاردىڭ ءبىرى ارنۇر سەرىك ۇلى ءوز اسەرىن ءبولىسىپ:

- مەن كەزەكتە 7 جىلداي تۇردىم. وتباسىم بار، 2 بالا تاربيەلەپ وتىرمىز. بۇگىن «شاڭىراق» باعدارلاماسىنىڭ ارقاسىندا 2 بولمەلى پاتەر الىپ وتىرمىن. تاۋەلسىزدىكتىڭ 30 جىلدىعى مەرەكەسىندە وسىنداي جاقسىلىققا جەتىپ وتىرعانىمىزعا قۋانىشتىمىن، ەندى ءوز باسپانام بار. بارلىق تۇرعىن ءۇي العان ازاماتتاردى قوس مەرەكەسىمەن شىن جۇرەكتەن قۇتتىقتايمىن،- دەدى ول.

جالپى بۇل تۇرعىن ءۇيدىڭ قۇرىلىسى 2020 جىلدىڭ مامىر ايىندا باستالعان بولاتىن. ءۇيدىڭ جالپى الاڭى 5106 شارشى مەتردەن اسادى. باس مەردىگەر – «سا نيپي ترانسنەفت».