9 قاباتتى عيماراتتىڭ قاڭىراپ بوس تۇرعانىنا بٸرنەشە جىلدىڭ جٷزٸ بولعان. سودان بەرٸ پايدالانىلماعان نىسان وبلىس ەكٸمٸ اماندىق عابباسۇلىنىڭ تاپسىرماسى بويىنشا 288 ورىنعا لايىقتالعان جاتاقحانا بولادى.
بٷگٸندە جاتاقحانانىڭ قۇرىلىسى جۇمىس جٷرگٸزٸلۋدە. 96 بٶلمەدەن تۇراتىن عيمارات بولاشاق جاس مامانداردىڭ بٸلٸم الۋىنا مول مٷمكٸندٸك بەرەدٸ. جوبا قۇنى – 2289,947 ملن.تەڭگەنٸ قۇرايدى.
جالپى, مۇنداعى بارلىق جۇمىستار اياقتالىپ قالدى دەۋگە بولادى. قازٸر تەك عيماراتتىڭ سىرتقى جۇمىستارى مەن الدىڭعى اۋماعىن اباتتاندىرۋ عانا قالدى. بۇل نىسان وبلىس ەكٸمٸنٸڭ تٸكەلەي باقىلاۋىندا. ٶتكەن ايلاردا اماندىق باتالوۆ قۇرىلىستى تەكسەرٸپ, بٸرقاتار ەسكەرتۋلەر ايتقان بولاتىن.
سىن-ەسكەرتپەلەردٸ ساناماعاندا جوبا بويىنشا بالكوندار ەينەكپەن جابىلىپ, سالقىنداتقىش جٷيەسٸ ورناتىلادى.
جاڭا جاتاحانانىڭ پوشىمى دا بٶلەك. دٶڭگەلەك پٸشٸندٸ. نىساننىڭ كولوننالارى مەن قابىرعالارى تەمٸر بەتوندى مونوليتتەن قۇيىلعان. قالاشىق اۋماعىن اباتتاندىرۋعا دا باسا نازار اۋدارىلعان. جوبا بويىنشا مۇندا كٶگالدى ساياباق جاسالادى. ۆولەيبول, فۋتبول, باسكەتبول مەن ٷستەل ٷستٸ تەننيسٸ ٷشٸن الاڭدار ورناتىلادى. تٸپتٸ جەڭٸل اۆتوكٶلٸكتەر ٷشٸن ارنايى تۇراقجاي مەن ورىندار قاراستىرىلعان.
عيماراتتىڭ جانىندا قالالىق جاعاجاي, سيتي پليۋس ٸرٸ ساۋدا ورتالىعى بار. ستۋدەنتتەردٸڭ قاراتال جاعالاۋىنا شىعىپ سەرۋەندەۋٸنەمٷمكٸندٸك بەرەدٸ. ٸرگەسٸندە ارداگەرلەر ساياباعى سىندى ماڭىزدى نىساندار تۇر. زاماناۋي ٷلگٸدەگٸ عيماراتتا ستۋدەنتتەرگە بار جاعداي قاراستىرىلعان. كٸتاپحانا, وقۋ زالى, شاعىن كينوزال, سپورتتىق الاڭى مەن جاتتىعۋ بٶلمەلەرٸ بولادى.
بۇل نىساندى جاتاقحانا دەپ ايتۋ قيىن. ٶيتكەنٸ, جوعارى كلاسستاعى قوناق ٷيگە ۇقسايدى. مۇندا بارلىق قاجەتتٸ ينفراقۇرىلىم تولىعىمەن قاراستىرىلماق.
تالدىقورعاننىڭ شىعىس بٶلٸگٸنە سەن بەرەتٸن بۇل قالاشىق, جىل سوڭىنا دەيٸن قولدانىسقا بەرٸلەدٸ. جالپى, جوسپار بويىنشا وبلىستا كەلەر جىلدان باستاپ مەملەكەتتٸك-جەكەمەنشٸك سەرٸكتەستٸگٸ نەگٸزٸندە 10 جاتاقحانا سالىنادى.
انار سابىروۆا
Dalanews.kz -تٸڭ الماتى وبلىسىنداعى تٸلشٸسٸ
