9 qabatty ǵimarattyń qańyrap bos turǵanyna birneshe jyldyń júzi bolǵan. Sodan beri paidalanylmaǵan nysan oblys ákimi Amandyq Ǵabbasulynyń tapsyrmasy boiynsha 288 orynǵa laiyqtalǵan jataqhana bolady.
Búginde jataqhananyń qurylysy jumys júrgizilýde. 96 bólmeden turatyn ǵimarat bolashaq jas mamandardyń bilim alýyna mol múmkindik beredi. Joba quny – 2289,947 mln.teńgeni quraidy.
Jalpy, mundaǵy barlyq jumystar aiaqtalyp qaldy deýge bolady. Qazir tek ǵimarattyń syrtqy jumystary men aldyńǵy aýmaǵyn abattandyrý ǵana qaldy. Bul nysan oblys ákiminiń tikelei baqylaýynda. Ótken ailarda Amandyq Batalov qurylysty tekserip, birqatar eskertýler aitqan bolatyn.
Syn-eskertpelerdi sanamaǵanda joba boiynsha balkondar áinekpen jabylyp, salqyndatqysh júiesi ornatylady.
Jańa jatahananyń poshymy da bólek. Dóńgelek pishindi. Nysannyń kolonnalary men qabyrǵalary temir betondy monolitten quiylǵan. Qalashyq aýmaǵyn abattandyrýǵa da basa nazar aýdarylǵan. Joba boiynsha munda kógaldy saiabaq jasalady. Voleibol, fýtbol, basketbol men ústel ústi tennisi úshin alańdar ornatylady. Tipti jeńil avtokólikter úshin arnaiy turaqjai men oryndar qarastyrylǵan.
Ǵimarattyń janynda qalalyq jaǵajai, Siti Pliýs iri saýda ortalyǵy bar. Stýdentterdiń Qaratal jaǵalaýyna shyǵyp serýendeýinemúmkindik beredi. Irgesinde ardagerler saiabaǵy syndy mańyzdy nysandar tur. Zamanaýi úlgidegi ǵimaratta stýdentterge bar jaǵdai qarastyrylǵan. Kitaphana, oqý zaly, shaǵyn kinozal, sporttyq alańy men jattyǵý bólmeleri bolady.
Bul nysandy jataqhana dep aitý qiyn. Óitkeni, joǵary klasstaǵy qonaq úige uqsaidy. Munda barlyq qajetti infraqurylym tolyǵymen qarastyrylmaq.
Taldyqorǵannyń shyǵys bóligine sán beretin bul qalashyq, jyl sońyna deiin qoldanysqa beriledi. Jalpy, jospar boiynsha oblysta keler jyldan bastap memlekettik-jekemenshik seriktestigi negizinde 10 jataqhana salynady.
Anar SABYROVA
Dalanews.kz -tiń Almaty oblysyndaǵy tilshisi
