قۇلسارى قالاسىندا زارداپ شەككەن تۇرعىندار ٷشٸن سالىناتىن ٷيلەردٸڭ قۇرىلىسى كٷزدە اياقتالادى, - دەپ حابارلايدى Dalanews.kz.
قازٸر قۇرىلىس كومپانييالارى 80 جەكە ٷيدٸڭ ٸرگەتاسىن قالاۋعا دايىندىقتى باستاعان.
قۇلسارى قالاسىنىڭ "بولاشاق" شاعىناۋدانىنداعى العاشقى 80 ٷي "قازاقستان حالقىنا" قوعامدىق قورىنىڭ قاراجاتى ەسەبٸنەن سالىنادى.
اتىراۋ وبلىسىنىڭ قۇرىلىس باسقارماسىنىڭ باسشىسى نۇربەرگەن قۇسايىنوۆتىڭ ايتۋىنشا, بٷگٸندە توپىراقتى تەگٸستەۋ جۇمىستارىنا ٷش مەردٸگەر ۇيىمنىڭ 20 ارنايى تەحنيكاسى مەن 30 جۇمىسشى جۇمىلدىرىلعان.
"قازٸرگٸ ۋاقىتتا ٸرگەتاس قۇرىلىسىمەن قاتار, جاڭا شاعىناۋدانعا جول ينفراقۇرىلىمىن سالۋ جۇمىستارى باستالدى.قالعان ينجەنەرلٸك كوممۋنيكاتسييالار جٷرگٸزٸلٸپ تۇر", - دەدٸ نۇربەرگەن قۇسايىنوۆ.
اتىراۋ وبلىسىنىڭ ەكٸمدٸگٸمەن ارادا قول قويىلعان مەموراندۋم شەڭبەرٸندە جەرگٸلٸكتٸ اتقارۋشى ورگان جاڭا ٷيلەر سالۋ ٷشٸن جەر ۋچاسكەلەرٸن سۋعا كەتپەيتٸن قاۋٸپسٸز ايماقتاردان بٶلٸپ جاتىر.
سونداي-اق, جەرگٸلٸكتٸ اتقارۋشى ورگان قۇرىلىس جٷرگٸزۋ مەرزٸمٸ مەن تەحنيكالىق تالاپتاردى ساقتاي وتىرىپ, قۇرىلىس جۇمىستارىنىڭ ساپاسىن باقىلايدى.
