Qulsary qalasynda zardap shekken turǵyndar úshin salynatyn úilerdiń qurylysy kúzde aiaqtalady, - dep habarlaidy Dalanews.kz.
Qazir qurylys kompaniialary 80 jeke úidiń irgetasyn qalaýǵa daiyndyqty bastaǵan.
Qulsary qalasynyń "Bolashaq" shaǵynaýdanyndaǵy alǵashqy 80 úi "Qazaqstan halqyna" qoǵamdyq qorynyń qarajaty esebinen salynady.
Atyraý oblysynyń qurylys basqarmasynyń basshysy Nurbergen Qusaiynovtyń aitýynsha, búginde topyraqty tegisteý jumystaryna úsh merdiger uiymnyń 20 arnaiy tehnikasy men 30 jumysshy jumyldyrylǵan.
"Qazirgi ýaqytta irgetas qurylysymen qatar, jańa shaǵynaýdanǵa jol infraqurylymyn salý jumystary bastaldy.Qalǵan injenerlik kommýnikatsiialar júrgizilip tur", - dedi Nurbergen Qusaiynov.
Atyraý oblysynyń ákimdigimen arada qol qoiylǵan memorandým sheńberinde jergilikti atqarýshy organ jańa úiler salý úshin jer ýchaskelerin sýǵa ketpeitin qaýipsiz aimaqtardan bólip jatyr.
Sondai-aq, jergilikti atqarýshy organ qurylys júrgizý merzimi men tehnikalyq talaptardy saqtai otyryp, qurylys jumystarynyń sapasyn baqylaidy.
