توقاەۆ مينيسترلەر مەن ەكٸمدەردٸڭ جۇمىسىنا قاتىستى حالىقتىڭ تاراپىنان تٷسەتٸن ارىز-شاعىمنىڭ كٷرت كٶبەيگەنٸن مەلٸمدەدٸ.
"جۇرتشىلىق ٷكٸمەتتٸڭ دە, بارلىق دەڭگەيدەگٸ ەكٸمدەردٸڭ دە جۇمىسىنا قاتىستى ارىز-شاعىم ايتۋدا. حالىقتىڭ سٶزٸنٸڭ جانى بار. ٶيتكەنٸ شىن مەنٸندە, كٷن كٶرۋ قيىنداپ بارادى, باعا شارىقتاپ ٶسۋدە.
قالاداعى جەنە اۋىلداعى تۇرعىنداردىڭ ٶمٸرٸ ٷشٸن اسا ماڭىزدى ينفراقۇرىلىمنىڭ توزىعى جەتكەن, تٸپتٸ, مٷشكٸل حالدە دەسەك تە ارتىق ەمەس. مۇنداي كەزدە قول قۋسىرىپ, جايباراقات وتىرۋعا بولمايدى. وسىنداي جاعداي بەرٸمٸزگە قاۋٸپ تٶندٸرەتٸنٸ انىق. ونىڭ ٷستٸنە, كەلەسٸ جىل قازٸرگٸدەن دە كٷردەلٸ, قيىن بولۋى ەبدەن مٷمكٸن", – دەدٸ پرەزيدەنت.
ونىڭ اتاپ ٶتكەنٸندەي ٷكٸمەتتٸڭ نەگٸزگٸ مٸندەتٸ – ەلٸمٸزدەگٸ ەكونوميكالىق مەسەلەلەردٸ شەشۋمەن اينالىسۋ.
"بۇل – ٷكٸمەت مٷشەلەرٸنٸڭ, ەكٸمدەردٸڭ, ۇلتتىق كومپانييا باسشىلارىنىڭ تٸكەلەي جاۋاپكەرشٸلٸگٸ. سوندىقتان مەن پرەمەر-مينيستر ەليحان اسحانۇلى سمايىلوۆتان شىنايى جاۋاپ العىم كەلەدٸ.
جالپى, جاڭا جىلعا ٷكٸمەتتٸڭ وسى قۇرامىمەن اياق باسۋعا بولا ما? پرەزيدەنتتٸڭ سايلاۋالدى باعدارلاماسىن جٷزەگە اسىرۋ ٷكٸمەتتٸڭ قولىنان كەلە مە?
ٷكٸمەت ٸشتەن جەنە سىرتتان بولاتىن بارلىق ەكونوميكالىق قاۋٸپ-قاتەرلەرگە قارسى تۇرا الا ما? مەنٸڭشە, بۇل مەسەلەلەر مەملەكەت باسشىسىنىڭ پرەمەر-مينيسترمەن جەنە پارلامەنت دەپۋتاتتارىمەن ٶتكٸزەتٸن كونسۋلتاتسييالارى كەزٸندە مۇقييات تالقىلانۋى كەرەك", - دەدٸ پرەزيدەنت.
مەملەكەت باسشىسى الدا تۇرعان مٸندەتتەر – ٶتە كٷردەلٸ ەكەندٸگٸن, بۇل مٸندەتتەر بٷكٸل ەل ازاماتتارىنا قاتىستى ەكەنٸن باسا ايتتى.
"سوندىقتان بٸز پاراساتتى تٷردە, بٸرلٸگٸمٸزدٸ ساقتاپ, بەرٸمٸز بٸرگە ەڭبەك ەتۋٸمٸز كەرەك. كەلەسٸ جىلدىڭ بٸرٸنشٸ جارتىسىندا ەلٸمٸزدە پارلامەنت سايلاۋى ٶتەدٸ. مەن ۇسىنعان ساياسي رەفورمالار باعدارلاماسىنا سەيكەس زاڭ شىعارۋ بيلٸگٸ جەنە جەرگٸلٸكتٸ ٶكٸلدٸ ورگاندار ساپالىق تۇرعىدان ماڭىزدى ٶزگەرٸسكە ۇشىرايدى. ٷكٸمەت تە وسى رەفورما ٷدەرٸسٸنەن تىس قالماۋعا تيٸس. بۇل جۇمىس بٸر ۋاقىتتا, بٸر قارقىنمەن جٷرگٸزٸلۋٸ كەرەك. سول سەبەپتٸ, مەن بارشا ٷكٸمەت مٷشەلەرٸ وسى مەسەلە جٶنٸندە ويلانۋى كەرەك دەپ سانايمىن. حالقىمىزدىڭ يگٸلٸگٸ ٷشٸن جاساپ جاتقان جۇمىستارىڭىز تابىستى بولسىن", - دەدٸ قاسىم-جومارت توقاەۆ.
https://dalanews.kz/aimak/84363-zhengis-qasymbek-astanadagy-auyz-su-zhan
https://dalanews.kz/kogam/84357-prezidenttik-rezervtegi-zhastardy-zhu
https://dalainside.kz/12/manyzdy/12/2022/779/
