Toqaev ministrler men ákimderdiń jumysyna qatysty halyqtyń tarapynan túsetin aryz-shaǵymnyń kúrt kóbeigenin málimdedi.
"Jurtshylyq Úkimettiń de, barlyq deńgeidegi ákimderdiń de jumysyna qatysty aryz-shaǵym aitýda. Halyqtyń sóziniń jany bar. Óitkeni shyn máninde, kún kórý qiyndap barady, baǵa sharyqtap ósýde.
Qaladaǵy jáne aýyldaǵy turǵyndardyń ómiri úshin asa mańyzdy infraqurylymnyń tozyǵy jetken, tipti, múshkil halde desek te artyq emes. Mundai kezde qol qýsyryp, jaibaraqat otyrýǵa bolmaidy. Osyndai jaǵdai bárimizge qaýip tóndiretini anyq. Onyń ústine, kelesi jyl qazirgiden de kúrdeli, qiyn bolýy ábden múmkin", – dedi prezident.
Onyń atap ótkenindei Úkimettiń negizgi mindeti – elimizdegi ekonomikalyq máselelerdi sheshýmen ainalysý.
"Bul – Úkimet músheleriniń, ákimderdiń, ulttyq kompaniia basshylarynyń tikelei jaýapkershiligi. Sondyqtan men Premer-Ministr Álihan Ashanuly Smaiylovtan shynaiy jaýap alǵym keledi.
Jalpy, Jańa jylǵa Úkimettiń osy quramymen aiaq basýǵa bola ma? Prezidenttiń sailaýaldy baǵdarlamasyn júzege asyrý Úkimettiń qolynan kele me?
Úkimet ishten jáne syrttan bolatyn barlyq ekonomikalyq qaýip-qaterlerge qarsy tura ala ma? Menińshe, bul máseleler Memleket basshysynyń Premer-Ministrmen jáne Parlament depýtattarymen ótkizetin konsýltatsiialary kezinde muqiiat talqylanýy kerek", - dedi Prezident.
Memleket basshysy Alda turǵan mindetter – óte kúrdeli ekendigin, bul mindetter búkil el azamattaryna qatysty ekenin basa aitty.
"Sondyqtan biz parasatty túrde, birligimizdi saqtap, bárimiz birge eńbek etýimiz kerek. Kelesi jyldyń birinshi jartysynda elimizde Parlament sailaýy ótedi. Men usynǵan saiasi reformalar baǵdarlamasyna sáikes zań shyǵarý biligi jáne jergilikti ókildi organdar sapalyq turǵydan mańyzdy ózgeriske ushyraidy. Úkimet te osy reforma úderisinen tys qalmaýǵa tiis. Bul jumys bir ýaqytta, bir qarqynmen júrgizilýi kerek. Sol sebepti, men barsha Úkimet músheleri osy másele jóninde oilanýy kerek dep sanaimyn. Halqymyzdyń igiligi úshin jasap jatqan jumystaryńyz tabysty bolsyn", - dedi Qasym-Jomart Toqaev.
https://dalanews.kz/aimak/84363-zhengis-qasymbek-astanadagy-auyz-su-zhan
https://dalanews.kz/kogam/84357-prezidenttik-rezervtegi-zhastardy-zhu
https://dalainside.kz/12/manyzdy/12/2022/779/
