سانجار كەرٸمباي
توقتادىم دا:
– قايدا? – دەدٸم.
– ەسەنتاي مولل. اپاراسىز با?
– يە, وتىرىڭدار.
ەكەۋٸ ارتقى ورىندىققا جاقسىلاپ جايعاسىپ الدى. وتىرا سالا ايفوندارىن شىعاردى دا شۇقىلاي باستادى. اينادان ەكەۋٸنٸڭ ٸس-قيمىلىن باقىلاپ قانا ٷنسٸز كەلەمٸن. كەدٸمگٸ قالانىڭ قىزدارى. ۆك-عا كٸرٸپ الىپ, سمس جازىپ, بٸر-بٸرٸنە سۋرەتتەر كٶرسەتٸپ مەز. كٶلٸك بولسا قالىڭ نٶپٸر ماشينانىڭ اۋىر اعىسىندا ٸلبٸپ قانا جىلجيدى. مەن ەدەتٸمشە, قۇر وتىرماي, بۇلاردى زەرتتەپ وتىرايىن دەدٸم دە:
– قىزدار, ستۋدەنتسٸڭدەر مە? – دەدٸم.
– جوق. بٸتٸرگەنبٸز.
– جۇمىس ٸستەيسٸڭدەر مە?
– قۇرىلىس فيرماسىندا بٸر جىلداي ٸستەدٸك. ەكونوميكا كٷيرەگەن سوڭ شتاتتى قىسقارتتى. جۇمىسسىز قالدىق.
– نەنٸ بٸتٸرٸپ ەدٸڭدەر?
– ينياز
– اعىلشىن?
– يە.
– وحو, مەنٸڭ دە جاقسى كٶرەتٸن تٸلٸم.
– سٸز دە وقىپ پە ەدٸڭٸز?
– يە, جاس كەزٸمدە وقىعام, – دەدٸم. وسىلايشا ەڭگٸمە جاراستى دا, سۇراسىپ, تانىسا بەردٸك. ەكەۋٸ دە الماتىدا تۋىپ, قالادا ٶسكەن. بٸراز بٸلٸسكەن سوڭ ولاردىڭ مٷلگي باستاعان ميلارىن سولق ەتكٸزەتٸن بٸرٸنشٸ سۇراقتى قويدىم.
– قىزدار سەندەرگە سۇراق قويسام بولا ما?
– سموتريا قانداي?
– كەدٸمگٸ ٶمٸر تۋرالى سالماقتى cۇراق.
– قويىڭىز. كٶرەيٸك جاۋاپ بەرٸپ, – دەپ ەكەۋٸ دە مارعاۋ كەيٸپتە ەرٸنە تٸل قاتتى. مەن:
– وسى سەندەردٸڭ ارماندارىڭ بار ما?
– ارمان? قانداي ارمان?
– كەدٸمگٸ ارمان. مەچتا?
– نۋ, كونەچنو بار. ارمانسىز ادام بولا ما?
– ال, تىڭدايىق ارمانىڭدى.
– وي, اعاي ارمان دەگەن كٶپ قوي ايتا بەرسە. قايسى بٸرٸن ايتامىز.
– ولاي بولسا ەڭ ماڭىزدىسىن ايت.
– ا, چە اعاي, سٸزگە بەرٸن ايتۋ مٸندەتتٸ مە نە?
[caption id="attachment_13051" align="alignright" width="1076"]
– مٸندەتتٸ ەمەس, ەرينە. قاراپ وتىرعانشا جول قىسقارسىن دەگەنٸم عوي. جارايدى, ارماندى بىلاي قويا تۇرايىق. سۇراق بىلاي بولسىن, ەندەشە.
– سەندەردٸڭ ٶمٸرلەرٸڭدە مەن بار ما? سمىسل? ورىسشا ايتقاندا, رادي چەگو ستويت جيت? «مىنا قىزىعىم نەمەسە مىنا قىمباتتى نەرسەم ٷشٸن ٶمٸر سٷرەمٸن» دەپ, تٸرشٸلٸككە قۇشتار قىلاتىن قيماس نەرسەڭ بار ما بۇل ٶمٸردە? قىسقا قايىرعاندا نە ٷشٸن ٶمٸر سٷرەسٸڭ?
وسى سۇراق قويىلعاندا بارىپ, ەكەۋٸ سەلك ەتە تٷسكەندەي بولدى. ەكەۋٸ دە كٸبٸرتٸكتەپ, بٸراز ابىرجىپ وتىرىپ قالدى. وڭ جاقتاعىسى:
– بۇل ٶمٸردە ادامدارعا جاقسىلىق جاساۋ كەرەك. ەشكٸمگە زييان تيگٸزبەۋ كەرەك. قۇدايعا قۇلشىلىق قىلىپ, ناماز وقىپ, ورازا ۇستاپ جەنناتقا بارۋىمىز كەرەك, – دەپ اياق استىنان ۋاعىز ايتا جٶنەلدٸ. كەدٸمگٸ قالا قىزىنىڭ تۋرا مولدالار سيياقتى ۋاعىز ايتقانى قىزىق بوپ كٶرٸندٸ. ونىڭ پەيٸشتەگٸ نىعمەتتەر تۋرالى ەڭگٸمەسٸن بٸراز تىڭداپ بولعان سوڭ:
– احا, تٷسٸنٸكتٸ بولدى. سوندا رادي جانناتا جيۆەم دا? سولاي ما? سمىسل پەيٸش بولدى عوي?
– سولاي شىعار. وي داجە نە زنايۋ, اعاي.
– سەن بۇل ٸلٸمدٸ قايدان بٸلدٸڭ? ارنايى وقىدىڭ با? وسى كەزدە ەڭگٸمەگە تۋ سىرتىمدا وتىرعانى ارالاستى. ول:
– اعاي, بۇ قىزدىڭ بۇرىنعى جٸگٸتٸ نامازحان بولعان. سول ٷشٸن اتا-اناسى وتستالىي بالاعا شىقپايسىڭ دەپ, قاتىناسىن ٷزٸپ تاستادى. سودان بەرٸ باسى بوس, – دەدٸ.
– جارايدى, سولاي-اق بولسىن دەلٸك. وندا سەن ايتارسىڭ نە ٷشٸن ٶمٸر سٷرەتٸنٸمٸزدٸ?
– مەنٸڭشە, سەميا. جاقسى ادامعا تۇرمىسقا شىعىپ, بالا-شاعاڭ بولسا. سولاردى وقىتىپ, توقىتىپ, دۇرىستاپ ٶسٸرٸپ شىعارساڭ, سول شىعار ٶمٸردٸڭ مەنٸ دەگەن? – دەپ, ٶزٸنە ونشا سەنٸمدٸ ەمەس توندا جاۋاپ بەردٸ.
– جارايدى, سولاي بولسىن دەلٸك. ەندٸ دايىن تۇرعان جٸگٸتتەرٸڭ بار ما? بٷگٸن-ەرتەڭ الامىن دەپ سەرتتەسكەن سەرٸلەرٸڭ بار شىعار?
– جوق.
– جاستارىڭ 24-كە كەتتٸ مە?
– يە.
– سوندا ٶمٸرلەرٸڭدە ەش مەن قالمادى ما?
– وي, بٸلمەيمٸن, اعاي. جٸگٸت جوق بولسا, نە ٸستەيمٸز ەندٸ? ا, كستاتي, اعاي, سٸز جۋرناليستسٸز بە? سونداي ناۆودياششيي سۇراقتار قويىپ, ادامدى ويلاندىرىپ قوياسىز? كٸمسٸز ٶزٸ?
– مەن جاي ەشەيٸن ۆيكتور فرانكل دەگەن كٸسٸ نەگٸزٸن قالاعان لوگوتەراپييا دەگەن عىلىممەن ٶزٸمشە اينالىسام. ەرتٷرلٸ جاعدايدا كەزدەسكەن ادام مەنٸڭ زەرتتەۋ وبەكتٸمە اينالادى.
– سوندا ول نە عىلىم? نەنٸ زەرتتەيدٸ? – دەپ ەكٸ قىز قىزىعا باستادى. بٸز قالانىڭ قالىڭ پروبكاسىندا كەلە جاتقاندىقتان ۋاقىت مول ەدٸ. مەن اسىقپاي لوگوتەراپييا تۋرالى تارقاتىپ ايتا بەردٸم. ولار قۇمارتا تىڭداپ, اۋىزدارى اشىلىپ وتىر. ەڭگٸمە ەبدەن قىزعان كەزدە:
– ايتپاقشى, فرانكل ەڭ اتاقتى كٸتابىندا سەندەر تۋرالى دا تاماشا تولعام ايتقان, – دەپ, ونسىز دا قىزىپ تۇرعان ەڭگٸمەگە ماي قۇيا تٷستٸم. ولار:
– بٸزدەر جايلى? قىزدار جايلى ما سوندا? – دەپ, ەنتەلەي تٷستٸ.
– يە, قىزدار جايلى.
– سوندا نە دەپتٸ?
– سەندەر جاڭا جٸگٸت جوق دەدٸڭدەر. جٸگٸت جوق بولعان سوڭ, سەميا دا جوق. سەميا بولماعان سوڭ سمىسل دا جوق. سولاي عوي?
– يە, جوعىنا جوق قوي ەندٸ. كەزدەسپەسە ٶلەمٸز بە?
– سەندەر كٶپ جٸگٸتتٸ قىزدارعا تۇراقسىز دەپ ايىپتايسىڭدار عوي, سولاي ما?
– يە, ول دا راس. وقىپ جٷرگەندە تالاي جٸگٸتتٸ كٶردٸك. ولار قىزداردى كاك پەرچاتكي مەنيايۋت.
– وحو, مٸنە. ماعان دا كەرەگٸ وسى سٶز ەدٸ. فرانكلدىڭ «چەلوۆەك ۆ پويسكاح سمىسلا» دەگەن كٸتابىنىڭ «و سمىسلە ليۋبۆي» دەگەن بٶلٸمٸندە كاك راز وسى مەسەلەگە توقتالادى, – دەگەندٸ ەرەكشە اكتسەنتپەن نىعىزداپ تۇرىپ ايتتىم. ولار دا ٶزدەرٸنە ٶتە قاتىستى ماڭىزدى ەڭگٸمە باستالعانىن سەزگەندەي كٶزدەرٸ تٸرٸلٸپ شىعا كەلدٸ.
– يە, نە دەيدٸ ول جەردە? – دەپ ەكٸ قىز ايفوندارىن ٶشٸردٸ دە ەڭگٸمەگە شىنداپ دەن قويدى. وسىلايشا بٸزدٸڭ سۇحباتتىڭ ەڭ قىزعان, ەڭ قايناعان جەرٸنە اقىرى كەلٸپ جەتتٸك.
ولاردىڭ ەڭ جاقسى كٶرەتٸن تيپتەرٸن فرانكل كٸتابىندا «حوريستكا» دەپ اتاعان. ياعني, حور ايتاتىن قىزدار. ولار ساحناعا جٷزدەپ شىعىپ, بٸردەي بولىپ كيٸنٸپ, بٸر عانا ٶلەڭدٸ بٸردەي تولقىندا شىرقاپ تۇرادى. ەگەر سەن ولاردىڭ بٸرەۋٸن ساپتان قۋىپ جٸبەرسەڭ, ودان ٶلەڭنٸڭ ساپاسى ناشارلامايدى. تٸپتٸ قۋىلعان جالعىزدىڭ بار-جوعىن بٸلٸپ بولمايدى. نەمەسە كەز كەلگەنٸن قۋىپ جٸبەرٸپ, ورنىنا باسقاسىن قويا سالساڭ دا ەشتەڭە ٶزگەرمەيدٸ. ٶمٸردە تۋرا سولاي. تالعامى توقىراعان قىزدار حور ايتاتىن قىزدار سيياقتى بٸر-بٸرٸنە ۇقساۋعا تىرىسادى. بٸر-بٸرٸنەن اۋمايتىن, نە ارمانى, نە ماقساتى جوق ينكۋباتور قىزدارمەن قىدىرعاندا سەرٸ جٸگٸت جاۋاپكەرشٸلٸك ارقالامايدى.
– سەندەر ەندٸ ناعىز ماحابباتتى اڭساپ, رومانتيكا ٸزدەپ تۇراتىن جاسقا كەلدٸڭدەر. ادال ماحاببات – مٸندەتتٸ تٷردە جاۋاپكەرشٸلٸكتٸ تالاپ ەتەدٸ. ياعني, سٷيگەن جٸگٸت عاشىعىنىڭ الدىندا توننا-توننا مٸندەتتەردٸ ارقالايدى. بٸراق جٸگٸت اتاۋلىنىڭ بەرٸ ونى قالامايدى. ولار مەيلٸنشە جاۋاپكەرشٸلٸك ارقالاۋدان قاشادى. سولاي عوي?
– يە, اعاي, سولاي. كٶبٸ قاشادى. تيٸپ قاشىپ جٷرگەندٸ جاقسى كٶرەدٸ, – دەپ مەنٸ ماقۇلداي تٷستٸ.
– قاشقاندىقتان دا ولار بٸرتۋار بويجەتكەندٸ ەمەس, قۋىرشاق سيياقتى سۇراۋى جوق توپىرلاعان تيپتەردٸ تاڭدايدى. ياعني, قىدىرىپ كٶڭٸل كٶتەرگٸسٸ كەلگەن جەڭٸل مٸنەزدٸ جٸگٸت, دارالانىپ تۇراتىن اقىلدى قىزعا ەمەس, بٸر-بٸرٸنە ۇقساپ تۇراتىن بٸر تيپتٸ جەڭٸلدەرگە «اۋىز» سالادى.
– قالاي سوندا?
– سولاي. ولاردىڭ ەڭ جاقسى كٶرەتٸن تيپتەرٸن فرانكل كٸتابىندا «حوريستكا» دەپ اتاعان. ياعني, حور ايتاتىن قىزدار. ولار ساحناعا جٷزدەپ شىعىپ, بٸردەي بولىپ كيٸنٸپ, بٸر عانا ٶلەڭدٸ بٸردەي تولقىندا شىرقاپ تۇرادى. ەگەر سەن ولاردىڭ بٸرەۋٸن ساپتان قۋىپ جٸبەرسەڭ, ودان ٶلەڭنٸڭ ساپاسى ناشارلامايدى. تٸپتٸ قۋىلعان جالعىزدىڭ بار-جوعىن بٸلٸپ بولمايدى. نەمەسە كەز كەلگەنٸن قۋىپ جٸبەرٸپ, ورنىنا باسقاسىن قويا سالساڭ دا ەشتەڭە ٶزگەرمەيدٸ. ٶمٸردە تۋرا سولاي. تالعامى توقىراعان قىزدار حور ايتاتىن قىزدار سيياقتى بٸر-بٸرٸنە ۇقساۋعا تىرىسادى. بٸر-بٸرٸنەن اۋمايتىن, نە ارمانى, نە ماقساتى جوق ينكۋباتور قىزدارمەن قىدىرعاندا سەرٸ جٸگٸت جاۋاپكەرشٸلٸك ارقالامايدى. ولار ٸشٸنەن «بۇ سيياقتى قىزدار تولىپ جاتىر. ەرتەڭ-اق باسقاسىن تاۋىپ الامىن» دەپ ۋايىمسىز «پايدالانادى». سوندىقتان وندايلاردىڭ تالعامى جوق جەڭٸلتەك قىزبەن ۇزاق ۋاقىت رومانس قۇرۋى ەكٸتالاي. ەدەتتە, ەر ادام قايتالانباس قاسيەتٸ بار ەرەكشە قىزدارعا عاشىق بولادى. سولاردىڭ الدىندا عانا جاۋاپكەرشٸلٸك ارقالايدى. بالا كەزدە سەندەر دە ەشكٸمگە ۇقسامايتىن ەرەكشە ەدٸڭدەر. كيٸم كيٸستەرٸڭ دە, تاماققا تالعامدارىڭ دا, ساباققا دەگەن قۇمارلىقتارىڭ دا ساۋساقتىڭ ٸزٸندەي قايتالانباس عاجايىپ قۇبىلىس ەدٸ. ٶسە كەلە بولمىسىڭدى باسقادان دارالاپ تۇراتىن ٶزٸڭە عانا تەن تالانتىڭ مەن قاسيەتتەرٸڭدٸ قاساقانا ٶزدەرٸڭ كٷشتەپ جويدىڭدار. 9-شى سىنىپتان سوڭ-اق بەرٸڭ جاپپاي جىرتقىش بولۋدى موداعا اينالدىردىڭدار. مۇعالٸمنٸڭ بەتٸنەن الىپ سٶيلەۋدٸ مەرتەبە سانادىڭدار. ٶنەر-بٸلٸممەن دارالانىپ, باسقادان وزىپ شىعۋدى ماسقارا ساناپ, جاقسى وقيتىن اقىلدى قىز كٶرسەڭدەر, سولارعا جان-جاقتان قىسىم جاسادىڭدار. ونىمەن دە قويماي باسقالاردى دا ٶزدەرٸڭنەن اۋمايتىن «حوريستكا» جاساۋعا تىرىستىڭدار. مەكتەپ بٸتٸرە باستاعاندا دا ماماندىقتى ٶزدەرٸڭ ەمەس, اتا-انالارىڭ تاڭداپ بەردٸ. اتا-اناڭ «قازٸر اعىلشىن ەلەمدٸ جاۋلاپ تۇر. سول تٸلدٸ بٸلسەڭ اشتان ٶلمەيسٸڭ» دەپ ينيازعا قيناپ تاپسىرتتى ما? – دەدٸم. ەكەۋٸ دە جامىراي قوشتادى.
ەندٸ مىنا قىزىققا قاراڭدار. مىسالى, قازٸر مەن ٶزٸمە ادال جار بولاتىن ەرەكشە قىز ٸزدەپ جٷرگەن بويداق جٸگٸتپٸن دەلٸك. سەندەرمەن تانىسىپ, وتاۋ قۇرۋ تۋرالى سەرەزنىي جوسپار قۇرۋىم مٷمكٸن بە? مەنٸڭشە, ەش مٷمكٸن ەمەس. سەبەبٸ, ەكەۋٸڭ دە بٸردەيسٸڭدەر. تالعامدارىڭ دا اينىمايدى. ەكەۋٸڭدە دە ايفون. پريچەسكالارىڭ دا ۇقساس. كيٸمدەرٸڭ دە ەگٸزدەردٸڭ كيٸمٸ سيياقتى. مۋزىكالىق تالعامدارىڭ دا بٸردەي.
– يە, يە. راس ايتاسىز. تۋرا سولاي بولدى. مەن بالا كەزٸمدە بيگە بەيٸم بولدىم. مامام: «قىزىم, دالباسالاما. اعىلشىن وقيسىڭ!» دەپ ينيازعا ەكەپ تىقتى.
– ال, نە بولدى ەندٸ? اعىلشىن تٸلٸن Advanced, Professional دەڭگەيٸندە مەڭگەردٸڭدەر مە? نە ارى ەمەس, نە بەرٸ ەمەس كٷيدە قالعان شىعار. سولاي ما?
– يە, بٸز سول جارگونمەن كينو كٶرۋدەن اسپادىق. ۋنيۆەردە دە ەركٸمگە بٸر پريكول ۇستاپ جٷردٸك تە قويدىق, – دەپ شىنايى سٶيلەي باستادى.
– يە, اعا, راس ايتاسىز. بٸز نەگٸزٸ گرۋپپاداعى قىزدار نە تىڭداسا, سونى تىڭداپ جٷرە بەرەمٸز, – دەدٸ.
– باياعىدا مەنٸڭ ٷلكەن ۇلىم ماعان بٷي دەگەن. ساباق بٸتٸپ, مەكتەپتەن تاراعان سوڭ بالامنىڭ دوسى «باعانا سىنىپتا تىڭداپ وتىرعان قازاقشا جىرلار مەن كٷيلەرٸڭدٸ بەرە تۇرشى مەن دە تىڭدايىن» دەپتٸ. بالامنىڭ «نەگە سول كەزدە سۇرامادىڭ? نەگە قايتقان كەزدە تىڭداعىڭ كەلە قالدى?» دەگەن سۇراعىنا جولداسى «دومبىرا تىڭداسام باسقالار وتستالىي دەپ كٷلەدٸ» دەپتٸ. مٸنە, فرانكلدىڭ ايتىپ وتىرعان «تٸرشٸلٸك ۆاكۋۋمى» وسىدان كەپ شىعادى. ياعني, كەۋدەسٸ قۋىس, ارمان-ماقساتى ايقىندالماعان ادام كٶپتٸڭ ىعىنا جىعىلىپ, سولاردىڭ قالاۋىمەن, سولاردىڭ شەشٸمدەرٸمەن ٶمٸر سٷرەتٸن بەيشاراعا اينالادى. ونى عىلىمدا كونفورميزم دەيدٸ. بۇل كٶكٸرەكتە پايدا بولعان تٷپسٸز ۆاكۋۋمنىڭ ەڭ زييانسىز بولعانداعى تٷرٸ. ياعني, جاۋاپكەرشٸلٸكتەن جۇرداي قالىڭ توبىردىڭ اراسىنا سٸڭٸپ, ٶزٸڭدٸ ادام رەتٸندە جوياسىڭ. ال ەگەر بۇل اۋرۋ اسقىناتىن بولسا تراگەديياعا اپارىپ سوقتىرۋى ەبدەن مٷمكٸن.
– قانداي تراگەديياعا?
– ٶمٸردەن مەن تابا الماي, تٸرشٸلٸكتەن تورىققان ادام سۋيتسيد جاسايدى. ۆاكۋۋمنىڭ ەڭ قورقىنىشتى تۇسى وسى. ياعني, داڭعىرلاپ بوس قالعان كەۋدەدەگٸ اپان ٶزٸڭنٸڭ باسىڭدى جۇتىپ جٸبەرەدٸ. سوندىقتان دا فرانكل بىلاي دەپ تۇجىرىم جاساعان. ادام بالاسى باقىتتى ٸزدەپ تاپپايدى. ادام مەندٸ تابادى. ال, باقىت قۇسى مەن بار جەرگە ٶزٸ كەلٸپ قونادى دەگەن. باعانا سەندەر «كەيبٸر جٸگٸتتەر قىزداردى قولعاپشا اۋىستىرادى» دەدٸڭدەر. سولاي عوي?
ەر ادام قىزعا ەسٸ كەتە عاشىق بولۋ ٷشٸن ەيەل زاتى قايتالانباس تۇلعاعا اينالۋى كەرەك. ياعني, ەر جٸگٸت سەنٸ كٶرگەن كەزدە «سەنەن ايىرىلسام, دەل سەن سيياقتى ادال جاردى باسقا ەلەمنەن تاپپاسپىن» دەپ شاراسىز حەلگە تٷسۋٸ كەرەك. سوندا عانا نەكەلٸ ٶمٸرگە مەن بٸتٸپ, قۇت-بەرەكە دارىعان باقىتتى شاڭىراقتى كٶتەرۋگە بولادى.
– يە.
– ەندٸ باسقاشا ويلانىپ كٶرەيٸك. ول جەڭٸلتەك جٸگٸتتٸ بٸر شەتكە ىسىرىپ, ۋاقىتشا قويا تۇرىپ, سۇراقتى مىنا تاراپتان قويساق قالاي بولار ەكەن?
– قانداي سۇراق?
– نەگە سەندەر ٶزدەرٸڭدٸ ارزان قۇنسىز قولعاپ دەرەجەسٸنە دەيٸن تٷسٸرە بەرەسٸڭدەر? بٸر-بٸرٸنەن اينىمايتىن, قىتايدان كەلەتٸن ارزان قولعاپتى كٸم كٷن سايىن اۋىستىرمايدى? بٸرەۋ سەندەردٸ قولدان قيناپ, قۇنسىزداندىرىپ جاتىر ما?
ولار كەدٸمگٸدەي ويلانىپ قالدى.
– يە, اعا, شىنى كەرەك, ول تۋرالى وسىعان دەيٸن مٷلدە بۇلاي ويلانىپ كٶرمەپپٸن, – دەدٸ بٸرەۋٸ.
– ەندٸ فرانكلدىڭ ويىن ارى قاراي تىڭداڭدار. ەر ادام قىزعا ەسٸ كەتە عاشىق بولۋ ٷشٸن ەيەل زاتى قايتالانباس تۇلعاعا اينالۋى كەرەك. ياعني, ەر جٸگٸت سەنٸ كٶرگەن كەزدە «سەنەن ايىرىلسام, دەل سەن سيياقتى ادال جاردى باسقا ەلەمنەن تاپپاسپىن» دەپ شاراسىز حەلگە تٷسۋٸ كەرەك. سوندا عانا نەكەلٸ ٶمٸرگە مەن بٸتٸپ, قۇت-بەرەكە دارىعان باقىتتى شاڭىراقتى كٶتەرۋگە بولادى, – دەي بەرگەنٸمدە ەسەنتاي موللعا دا كەلٸپ جەتتٸك.
– ال, قىزدار ەڭگٸمە ايتىپ وتىرىپ, كەلٸپ تە قالدىق. وسىمەن بٷگٸنگٸ لەكتسييا تامام, – دەدٸم. ەڭگٸمەگە ەبدەن ۇيىپ وتىرعان ەكٸ بويجەتكەن امالسىزدان تٷسۋگە ىڭعايلانا باستادى. بٸرەۋٸ جول اقىسىن بەرٸپ جاتىپ:
– اعاي, بٸز ەندٸ نە ٸستەيمٸز? – دەپ سۇرادى ٶتە سىنىق, بييازى داۋىسپەن.
– ەشقانداي پانيكاعا سالىنباستان, بالا كەزدەرٸڭدە تۇنشىقتىرىپ تاستاعان ينديۆيدتٸك قاسيەتتەرٸڭدٸ قايتا تابۋعا كٷش سالىڭدار. ەۋ باستا قۇداي بويلارىڭا نە قاسيەت بٸتٸردٸ, سونى قايتا قالپىنا كەلتٸرٸڭدەر. قالىڭ توبىرعا سٸڭٸسٸپ كەتۋگە تىرىسپاڭدار. ٸشكٸ سىمباتىڭ مەن سىرتقى كەلبەتٸڭ باسقالارعا ۇقساماي دارالانىپ, كٶزگە ۇرىپ تۇرسىن. سوسىن الماتىداعى جٸگٸتتٸڭ سىرتتانى سەندەردٸ ٶزٸ ٸزدەپ تاپپاسا ماعان كەلٸڭدەر, – دەدٸم.
– راحمەت, اعاي, جولىڭىز بولسىن! – دەپ قىزدار قيماي قوشتاستى. كٶلٸك جىلجي جٶنەلدٸ.
Degdar.kz
