الماتى بازارلارى جاڭا فورماتتا جۇمىس ىستەيدى، دەپ حابارلايدى Dalanews.kz.
كونتەينەردە ساۋدا جاساۋدىڭ ءداۋىرى ءبىتىپ، الماتى ىڭعايلى ءارى اشىق بازار فورماتىنا كوشكەلى جاتىر. الماتى قالاسى اكىمىنىڭ ورىنباسارى ولجاس سماعۇلوۆ وڭىرلىك كوممۋنيكاسيالار قىزمەتىندە وسىلاي دەپ مالىمدەدى.
"كەلەر جىلدان باستاپ جاڭا زاڭناماعا سايكەس قالاداعى بار بازار وسى زامانعى ساۋدا فورماتىنا كوشۋگە ءتيىس. كونتەينەردە ساۋدا جاساۋدىڭ ءداۋىرى وسىمەن بىتەدى. 2026 جىلدان باستاپ بارلىعى زاڭ تالابىنا سايكەس جاڭا فورماتتا جۇمىس ىستەۋگە كوشەدى. مۇنى ساتۋشىلار ءۇشىن عانا ەمەس، تۇرعىندار مەن تۇتىنۋشىلار ءۇشىن ءقاۋىپسىز ءارى جايلى جاعداي جاساۋ ماقساتىندا جۇزەگە اسىرىپ جاتىرمىز"، – دەيدى ولجاس سماعۇلوۆ.
