ٶڭٸردە بۇل مەسەلەگە ميللياردتار جۇمسالماقشى. بٸزگە جەتكەن مەلٸمەتتەر بويىنشا, وبلىستىق مەسليحات دەپۋتاتتارى ٸلە اۋدانى بايسەركە اۋىلىندا ورنالاسقان «ا.اسانوۆ اتىنداعى اتقىشتار كلۋبى» جشس-ٸنە 11,2 ملرد تەڭگە بٶلۋ تۋرالى ۇسىنىستى ماقۇلداعان. بۇل مەملەكەت پەن جەكەمەنشٸك سەرٸكتەستٸك نەگٸزٸندە جٷزەگە اساتىن جوبا دەيدٸ دەرەككٶز.
"2024 جىلدىڭ قاراشا ايىندا الماتى وبلىسىنىڭ ەكٸمدٸگٸ مەسليحات دەپۋتاتتارىنا اتالعان كلۋبقا 10 جىلدىق مەرزٸمگە 11 ملرد 265 ملن تەڭگە بٶلۋدٸ ۇسىندى. مەسليحات بٸراۋىزدان ماقۇلداماسا دا, كٶپشٸلٸك داۋىسپەن شەشٸم بەكٸتٸلدٸ", - دەيدٸ, دەرەككٶز.
اتقىشتار كلۋبى 2002 جىلى اشىلعان. سول ۋاقىتتان بەرٸ كوممەرتسييالىق نىسان رەتٸندە جۇمىس ٸستەپ, سالىق تٶلەپ كەلگەن. تيٸستٸ كوممۋنيكاتسييا جەلٸلەرٸ تٷگەلدەي تارتىلعان. تولىق جۇمىس ٸستەپ تۇر. ال سوڭعى 5 جىلدا مەملەكەتكە تٶلەگەن سالىق مٶلشەرٸ اشىق دەرەكتەردە بار. تەك 2025 جىلى سالىق كٶلەمٸ كٷرت ٶسكەنٸ بايقالادى. سەبەبٸ وبلىستىق ەكٸمدٸك كلۋبقا 2024 جىلى 1,2 ملرد تەڭگە, 2025 جىلى 761 ملن تەڭگە بٶلگەن.
ول قارجىعا اتقىشتار كلۋبى جاڭا عيمارات سالۋ, ينفراقۇرىلىمدى دامىتۋعا جۇمساۋى تيٸس ەدٸ. الايدا بۇرىنعى عيماراتقا تەك جٶندەۋ جۇمىستارى جٷرگٸزٸلگەن. ٷنەمٸ بيۋدجەت تاپشى, قارجى جەتٸسپەيدٸ دەپ جٷرگەنٸمٸزدە اتقىشتار كلۋبىنا ميلليارد شىعىنداۋ قاجەت پە?
