شقو-دا زەينەتكەرلەر مەن مٷمكٸندٸگٸ شەكتەۋلٸ جاندار ٷشٸن سپورتتىق نىساندارعا تەگٸن كٸرۋ مٷمكٸندٸگٸ قاراستىرىلعان. وسىنىڭ ارقاسىندا ەگدە جاستاعى ادامدار دەنە شىنىقتىرۋمەن اينالىسىپ, سالاۋاتتى ٶمٸر سالتىن ۇستانۋدا. مەسەلەن, ٶسكەمەندەگٸ ٷستەل تەننيسٸ ورتالىعى اعا بۋىن ٶكٸلدەرٸ مەن ەرەكشە جانداردىڭ باس قوساتىن سٷيٸكتٸ ورنىنا اينالىپ وتىر, دەپ حابارلايدى Dalanews.kz Altainews.kz-كە سٸلتەمە جاساپ.
– وبلىستا 1687 سپورتتىق نىسان بار, ولاردىڭ 1166-سى اۋىلداردا ورنالاسقان. زەينەتكەرلەرگە جەنە مٷمكٸندٸگٸ شەكتەۋلٸ جاندارعا كٸرۋ تەگٸن. ولار بەكتٸلگەن كەستە بويىنشا كەلەدٸ. زەينەتكەرلەر اراسىندا تٷرلٸ سپورتتىق سايىستار ۇيىمداستىرىلىپ تۇرادى. قازٸرگٸ كەزدە وبلىستا 6 دەنە شىنىقتىرۋ-ساۋىقتىرۋ كەشەنٸ سالىنىپ جاتىر, – دەيدٸ سپورت جەنە دەنە شىنىقتىرۋ باسقارماسى باسشىسىنىڭ ورىنباسارى سەرٸك قۇسىمباەۆ.
ٶسكەمەندەگٸ ٷستەل تەننيسٸ ورتالىعىنا بارعانىمىزدا ەگدە ادامداردىڭ كٶپ ەكەنٸن كٶردٸك, اراسىندا مٷمكٸندٸگٸ شەكتەۋلٸ جاندار دا بار ەكەن. ەلۋ شاقتى ادام بٸر مەزەتتە ٷلكەن زالداعى قاز-قاتار ورنالاسقان ٷستەلدەردە شيراق قيمىلداپ, بٸر-بٸرٸمەن تەننيس ويناپ جاتتى.
– جاسىم 60-تان استى. ٶزٸم گٸر كٶتەرۋ بويىنشا سپورت شەبەرٸمٸن. ٷستەل تەننيسٸ ورتالىعى اشىلعالى بەرٸ اپتاسىنا ٷش رەت وسىندا كەپ تۇرامىن, ساعات 11-دەن 13-كە دەيٸن بولامىن. ەكٸ ساعات ٶزٸم ٷشٸن جەتكٸلٸكتٸ. ۇلىم دا وسى سپورتپەن اينالىسادى, مەن وعان ٷلگٸ كٶرسەتٸپ جٷرمٸن. بٸزگە وسىنداي جايلى جاعداي جاساپ وتىرعان وبلىس باسشىلىعىنا جەنە وسى ورتالىقتىڭ قىزمەتكەرلەرٸنە راقمەت ايتامىن, – دەيدٸ سپورت ارداگەرٸ تالعات جاقىپوۆ.
اتاپ ٶتەرلٸگٸ, قارييالار بۇل جەرگە دەنە شيراتۋ ٷشٸن عانا ەمەس, بٸر-بٸرٸمەن ارالاسىپ, ەڭگٸمەلەسۋ ٷشٸن دە جينالىپ تۇرادى.
تەننيس ورتالىعىنىڭ باسشىسى دەنيس جولۋدەۆتٸڭ ايتۋىنشا, نىسان 2022 جىلى قولدانىسقا بەرٸلگەن. كٷنٸنە مۇندا 500-700 ادام كەلەدٸ, ونىڭ 100 شاقتىسى – ەگدە ادامدار. مۇندا ٷستەل تەننيسٸمەن, بادمينتونمەن اينالىسۋعا بولادى, دەنە شىنىقتىرۋعا ارنالعان ترەناجەر زالدارى دا بار.
– وبلىستا 169 مىڭنان استام زەينەتكەر بار. اعا بۋىن ٶكٸلدەرٸنٸڭ بەلسەندٸلٸگٸن ارتتىرۋ, ولاردى قوعامدىق-ساياسي ٸس-شارالارعا قاتىستىرۋ ماقساتىندا وبلىستىق كەشەندٸ جوسپار ەزٸرلەنٸپ, ٸسكە اسۋدا. وبلىستاعى 3423 زەينەتكەر 167 سپورتتىق نىساندا ورنالاسقان 274 سەكتسيياعا تۇراقتى ەرٸ تەگٸن بارادى. اتالعان سەكتسييالاردا ولارمەن 241 نۇسقاۋشى جۇمىس ٸستەيدٸ, – دەيدٸ جۇمىسپەن قامتۋ جەنە ەلەۋمەتتٸك باعدارلامالاردى ٷيلەستٸرۋ باسقارماسى ارداگەرلەرمەن جەنە مٷگەدەكتٸگٸ بار ادامدارمەن جۇمىس ٸستەۋ بٶلٸمٸنٸڭ باسشىسى دينارا مۇراتحانقىزى.
